Fel llawer o sefydliadau ledled y byd, rydym ar hyn o bryd yn cael ein heffeithio gan doriad byd-eang Microsoft 365. Mae hyn yn achosi tarfu ar rai o'n systemau a'n gwasanaethau, gan gynnwys e-byst (Outlook).

Mae ein timau TG yn ymwybodol o'r mater ac yn monitro cynnydd Microsoft yn agos wrth iddynt weithio i adfer y gwasanaeth i'r arfer. Ymddiheurwn am unrhyw darfu neu oedi wrth ymateb a allai ddeillio o hyn, a diolch am eich amynedd tra bod Microsoft yn datrys y broblem.

Bydd diweddariadau pellach yn cael eu darparu yma cyn gynted ag y bydd mwy o wybodaeth ar gael.

Alert Section

Newyddion Diweddaraf Cyngor Sir Y Fflint


Gwasanaeth Tân Gogledd Cymru yn arwyddo Cyfamod

Published: 24/10/2017

Yn ddiweddar fe arwyddodd Gwasanaeth Tân ac Achub Gogledd Cymru Gyfamod y Lluoedd Arfog Sir y Fflint yn Neuadd y Sir yn yr Wyddgrug. Mae arwyddor Cyfamod hwn yn golygu bod y Gwasanaeth Tân ac Achub yn ymuno â Chyngor Sir y Fflint i ymrwymo i gefnogi Cymuned y Lluoedd Arfog yn Sir y Fflint. Roedd cynrychiolwyr o’r Lluoedd Arfog, gweithwyr y Cyngor, Swyddogion Cyswllt Rhanbarthol y Lluoedd Arfog a Chefnogwr Lluoedd Arfog y Cyngor y Cynghorydd Andy Dunbobbin yn bresennol yn y digwyddiad. Mae arwyddo’r Cyfamod yn cynrychioli ymrwymiad cadarn gan Wasanaeth Tân ac Achub Gogledd Cymru i gefnogi Cymuned y Lluoedd Arfog gan gydnabod gwerth milwyr syn gwasanaethu – yn cynnwys yr aelodau rheolaidd a rhai wrth gefn, cyn filwyr a theuluoedd milwrol au cyfraniad ir wlad. Tra’n siarad yn y digwyddiad, dywedodd y Cynghorydd Dunbobbin: “Mae Cyngor Sir y Fflint yn falch bod Gwasanaeth Tân ac Achub Gogledd Cymru wedi ymuno â 18 llofnodwr arall i gefnogi Cyfamod Lluoedd Arfog Sir y Fflint. Mae gennym Grwp Llywio gweithgar a brwdfrydig ac rydym wedi cymryd camau sylweddol tuag at hyrwyddo’r Cyfamod a sicrhau bod gweithwyr a’r cyhoedd yn ymwybodol o anghenion Cymuned y Lluoedd Arfog. “Rydym yn edrych ymlaen i’r Gwasanaeth Tân ac Achub fod yn rhan weithgar ac i gydweithio â ni i godi ymwybyddiaeth am y Cyfamod, anrhydeddu cyflawniadau Cymuned y Lluoedd Arfog a gwneud gwahaniaeth gwirioneddol iw bywydau”. Dywedodd Simon Smith, Prif Swyddog Tân: “Roedd hi’n anrhydedd arwyddo’r cytundeb hwn. Ein blaenoriaeth ydi darparu’r gwasanaeth tân ac achub gorau posibl i gymunedau gogledd Cymru gan weithio i leihau nifer yr achosion argyfwng sy’n digwydd ac ymateb i argyfyngau pan fyddant yn digwydd. Ein gweithlu ymroddedig ac amrywiol sydd yn ein galluogi i wneud hyn ac felly rydym yn cydnabod gwerth cefnogi ein gweithwyr o gefndir milwrol, sydd â llawer o sgiliau trosglwyddadwy a gwerthfawr yn sgil eu hyfforddiant milwrol. “Mae arwyddo’r cyfamod yma’n dangos ein hymrwymiad i gynnal y prif egwyddorion sy’n ymwneud â gweithio a gweithredu ynghyd â phartneriaid eraill yng ngogledd Cymru i gefnogi’r lluoedd arfog a’i gymuned ehangach”. Mae’r Cyfamod yn ymrwymiad gan y wlad na ddylai aelodau o gymuned y Lluoedd Arfog wynebu unrhyw anfantais oi gymharu â dinasyddion eraill wrth ddarparu gwasanaethau ac y dylid rhoi ystyriaeth arbennig mewn rhai achosion, yn enwedig ir rhai sydd wedi rhoi’r mwyaf. Fe arwyddodd Cyngor Sir y Fflint y Cyfamod ym mis Gorffennaf 2013.