Newyddion Diweddaraf Cyngor Sir Y Fflint
Bwrdd Gwasanaethau Cyhoeddus Sir y Fflint – eich cyfle i ddweud eich dweud
Published: 04/12/2017
Mae Bwrdd Gwasanaethau Cyhoeddus Sir y Fflint (BGC) yn eich gwahodd i gymryd
rhan mewn ymgynghoriad ar ei Gynllun Lles Drafft.
Mae llunio Cynllun Lles yn un o ofynion Deddf Llesiant Cenedlaethau’r Dyfodol
(Cymru) a rhaid cyhoeddi’r Cynllun erbyn Mai 2018.
Nod y Cynllun Lles yw amlinellu sut y gall gwaith y bartneriaeth ddiogelu a
gwella ansawdd bywyd trigolion, cymunedau a busnesau rwan ac yn y dyfodol.
Mae’r BGC yn bartneriaeth o 4 corff cyhoeddus sy’n gweithio gyda’i gilydd sef
Bwrdd Iechyd Prifysgol Betsi Cadwaladr, Cyngor Sir y Fflint, Cyfoeth Naturiol
Cymru a Gwasanaeth Tân ac Achub Gogledd Cymru, yn ogystal â sefydliadau lleol
eraill.
Mae pum blaenoriaeth yn y Cynllun Drafft a chawsant eu dewis oherwydd mai yn y
meysydd hyn y teimla’r BGC y gellir ychwanegu’r mwyaf o werth, sef:
· Lles a Byw’n Annibynnol
· Diogelwch Cymunedol
· Cymunedau Hydwyth
· Economi a Sgiliau
· Yr Amgylchedd
Meddai’r Cynghorydd Aaron Shotton, Arweinydd y Cyngor:
“Mae gan Sir y Fflint hanes hir a balch o waith partneriaeth ac mae
blaenoriaethau’r BGC yn cysylltu’n dda â Chynllun y Cyngor. Mae’r Cymunedau yr
ydym yn eu gwasanaethau, yn gwbl gywir, yn disgwyl i bartneriaid cyhoeddus a
thrydydd parti weithio gyda’i gilydd, rhannu blaenoriaethau, a thrwy
gyd-ymdrechu, sicrhau fod pethau’n cael eu gwneud. Er mwyn gofalu ein bod yn
gwneud pethau’n iawn, rwy’n croesawu eich adborth ac yn eich annog i gymryd
rhan yn yr ymgynghoriad hwn.
Gellir dod o hyd i ragor o wybodaeth ar y blaenoriaethau hyn a sut i roi eich
adborth ar wefan Cyngor Sir y Fflint drwy
http://www.siryfflint.gov.uk/cy/Resident/Council-and-Democracy/PSB-Draft-Well-be
ing-Plan-Public-Consultation.aspx. Gallwch hefyd gysylltu â’ch canolfan Sir y
Fflint yn Cysylltu leol neu’r Llyfrgell can y byddant yn gallu rhoi copi papur
i chi ei lenwi. Mae’r ymgynghoriad hefyd ar gael mewn fformatau eraill drwy
ffonio 01352 702154. Mae gennych hyd 2 Chwefror i gyfrannu a byddem yn
gwerthfawrogi eich mewnbwn yn fawr iawn.