Newyddion Diweddaraf Cyngor Sir Y Fflint

Asesiad o Ddigonolrwydd Gofal Plant

Published: 15/07/2014

Gallair ystod o ofal plant sydd ar gael yn Sir y Fflint gael ei lledu unwaith y bydd cynghorwyr wedi ystyried adroddiad asesu mewn cyfarfod or Cabinet ddydd Mawrth (15 Gorffennaf). Mae Awdurdodau Lleol yng Nghymru yn gyfrifol am sicrhau bod digon o ofal plant priodol ar gael i fodloni gofynion rhieni sydd angen gofal plant er mwyn hyfforddi, gweithio, neu baratoi ar gyfer gwaith. Maer Asesiad o Ddigonolrwydd Gofal Plant ar adroddiad Archwilio yn arfarniad parhaus i mewn ir gwasanaethau presennol sy’n hygyrch i rieni a gofalwyr yn Sir y Fflint. Mae gwybodaeth wedi ei derbyn gan rieni a gofalwyr, darparwyr gofal plant, plant, pobl ifanc a chyflogwyr trwy arolwg electronig, ymgynghori wyneb-yn-wyneb a defnyddio adborth gan bobl syn cael cymorth gyda chostau gofal plant. Maer asesiad yn dangos bod y farchnad gofal plant yn diwallu anghenion y rhan fwyaf o rieni syn gweithio yn y Sir. Mae 50 y cant o rieni yn Sir y Fflint yn defnyddio gofal plant ffurfiol ac yn gyffredinol, dywedodd 92 y cant o rieni a holwyd eu bod yn fodlon â’u trefniadau gofal plant presennol. Lle maer arolwg wedi nodi bylchau yn y gwasanaeth, bydd yr awdurdod yn dechrau mynd ir afael ag unrhyw faterion i gwrdd â gofynion rhieni syn gweithio a hefyd i oresgyn y rhwystrau i waith neu hyfforddiant y mae diffyg gofal plant yn eu creu ar gyfer teuluoedd nad ydynt yn gweithio. Dywedodd y Cynghorydd Christine Jones, Aelod Cabinet Gwasanaethau Cymdeithasol: “Maer adroddiad yn edrych yn fanwl ar y ddarpariaeth gofal plant yn Sir y Fflint, rhywbeth sy’n achosi pryder i bob rhiant neu ofalwr syn gweithio yn yr ardal. Y rhai mwyaf bodlon oedd rhieni syn defnyddio gwarchodwyr plant, meithrinfeydd dydd a chlybiau y tu allan i’r ysgol ller oedd bodlonrwydd o dros 90%. “Maer Cyngor wedi ymrwymo i roi mynediad cyfartal i bawb i ddarpariaeth gofal plant a rhan or arolwg hwn oedd gweld a yw ein gwasanaethau yn diwallu anghenion rhieni. Unwaith y byddwn wedi edrych yn fanwl ar yr adroddiad archwilio gallwn asesu a oes angen dechrau cynnig gwasanaethau ychwanegol.