Fel llawer o sefydliadau ledled y byd, rydym ar hyn o bryd yn cael ein heffeithio gan doriad byd-eang Microsoft 365. Mae hyn yn achosi tarfu ar rai o'n systemau a'n gwasanaethau, gan gynnwys e-byst (Outlook).

Mae ein timau TG yn ymwybodol o'r mater ac yn monitro cynnydd Microsoft yn agos wrth iddynt weithio i adfer y gwasanaeth i'r arfer. Ymddiheurwn am unrhyw darfu neu oedi wrth ymateb a allai ddeillio o hyn, a diolch am eich amynedd tra bod Microsoft yn datrys y broblem.

Bydd diweddariadau pellach yn cael eu darparu yma cyn gynted ag y bydd mwy o wybodaeth ar gael.

Alert Section

Newyddion Diweddaraf Cyngor Sir Y Fflint


Difrod i goed yng Nghei Connah

Published: 02/11/2022

Press release photo 1.jpgMae Cyngor Sir y Fflint wedi condemnio gweithred o fandaliaeth yn erbyn ei goed, ar ôl i dair coeden aeddfed gael eu torri i lawr yn fwriadol yng Nghei Connah. 

Digwyddodd hyn ddydd Llun 17 Hydref ar gaeau chwarae Ffordd Fron. Targedodd fandaliaid goed aeddfed, sefydledig a oedd yn rhan annatod o'r safle, gan ddarparu buddion i fywyd gwyllt a bioamrywiaeth ond hefyd yn nodwedd boblogaidd i ddefnyddwyr lleol. Bydd angen cael gwared ar weddillion y coed hyn yn awr a bydd y cyngor yn ceisio cael rhai newydd yn eu lle y gaeaf hwn. 

Dywedodd Aelod Cabinet Newid Hinsawdd a’r Economi Sir y Fflint, y Cynghorydd David Healey:

“Rwyf wedi fy siomi clywed am y fandaliaeth annerbyniol hon, mae’r Cyngor yn gweithio’n galed iawn i leihau carbon i liniaru effeithiau newid yn yr hinsawdd a chynyddu ein bioamrywiaeth, ond mae ymddygiadau fel hyn yn gwneud ein gwaith hyd yn oed yn galetach a bydd yn costio’n ariannol i drigolion Sir y Fflint ac o ran ansawdd eu hamgylchedd naturiol.”

Os oes gennych unrhyw wybodaeth am y digwyddiad hwn, ffoniwch Crime Stoppers ar 0800 555 111. 

 

Press release photo 2.jpg     Press release photo 3.jpg