Newyddion Diweddaraf Cyngor Sir Y Fflint
Gweinidog yn ymweld â Llys Jasmine
Published: 21/05/2018
Gwnaeth Huw Irranca Davies AC, Gweinidog Plant, Pobl Hyn a Gofal Cymdeithasol
Llywodraeth Cymru ymweld â Llys Jasmine yn yr Wyddgrug yn ddiweddar, sef
cynllun gofal ychwanegol a dementia arloesol a agorodd yn haf 2013.
Fe’i adeiladwyd gan Anwyl Construction mewn partneriaeth â Chymdeithas Tai
Wales & West a Chyngor Sir Y Fflint, ac mae Llys Jasmine yn darparu 61 rhandy a
dau fyngalo gofal ychwanegol.
Mae pob rhandy yn y cyfadeilad £8.3m wedi’i ddylunio i addasu i anghenion
newidiol preswylwyr, gyda rhandai dementia penodol wedi’u gosod o amgylch iard
canolog ar y llawr gwaelod uchaf gan roi amgylchedd diogel i gynnal
annibyniaeth. Gyda gofal a chefnogaeth 24 awr ar y safle, a system galw gofal
o’r radd flaenaf, mae wedi’i anelu at breswylwyr 65 oed a hyn.
Dywedodd Huw Irranca Davies AC, Gweinidog Plant, Pobl Hyn a Gofal Cymdeithasol
Llywodraeth Cymru;
“Roedd yn bleser mawr ymweld â Darpariaeth Gofal Ychwanegol Llys Jasmine yn yr
Wyddgrug, sy’n rhan o fuddsoddiad parhaus gan Gyngor Sir Y Fflint, Llywodraeth
Cymru a phartneriaid mewn llety â chymorth a byw’n annibynnol i bobl hyn.”
Dywedodd y Cynghorydd Bernie Attridge, Aelod Cabinet Tai:
“Mae cynlluniau gofal ychwanegol yn galluogi pobl hyn i gael dewis o dai
arbenigol ac maen nhw’n gwneud gwahaniaeth real i fywydau pobl, gan wella
darpariaeth gofal i bobl hyn yn y Sir.
Dywedodd y Cynghorydd Christine Jones, Aelod Cabinet y Gwasanaethau
Cymdeithasol:
“Mae ymrwymiad parhaus Cyngor Sir Y Fflint i ofalu am bobl sy’n byw gyda
dementia yn parhau i adeiladu ar lwyddiant cynlluniau gofal ychwanegol fel Llys
Jasmine a Llys Eleanor yn Shotton wrth i Llys Raddington yn y Fflint nesáu at
gael ei gwblhau a gyda gwaith yn mynd rhagddo bellach ar gynllun gofal
ychwanegol newydd yn Nhreffynnon.”
Dywedodd Anne Hinchey, Prif Weithredwr dros Tai Wales & West:
“Mae Llys Jasmine wedi bod ar agor ers bron i bum mlynedd ac mae’n esiampl dda
o sut y gall gweithio mewn partneriaeth wneud gwahaniaeth mawr i fywydau pobl.
Mae gan breswylwyr fynediad 24 awr i ofal a chymorth ar y safle, ynghyd â llety
o ansawdd uchel wedi’i adeiladu’n bwrpasol, sy’n caniatáu iddynt gynnal eu
hannibyniaeth. Mae’n llwyddiant ysgubol i Sir y Fflint, drwy greu effaith, nid
yn unig ar ein preswylwyr, ond cymuned gyfan yr Wyddgrug hefyd.