Newyddion Diweddaraf Cyngor Sir Y Fflint

Ynni Adnewyddadwy

Published: 12/08/2014

Mae pwysigrwydd ynni adnewyddadwy wedi cael ei nodi mewn cyfarfod busnes a drefnwyd gan fenter o’r Cyngor Sir ac sy’n cynnwys rhai or cwmnïau mwyaf yn Sir y Fflint. Daeth Fforwm Busnes Parc Diwydiannol Glannau Dyfrdwy ynghyd yn eu cyfarfod chwarterol yng Ngwestyr Days yn Sealand i drafod pwer gwyrdd a sut y caiff ei ddefnyddio gan fusnesau Sir y Fflint. Cafodd pedwar prosiect ynni adnewyddadwy cyffrous eu trafod yn y cyfarfod brynhawn dydd Gwener 4 Gorffennaf, gyda siaradwyr yn tynnu sylw at brosiect Trin Gwastraff Gweddilliol Gogledd Orllewin Cymru, Prosiect Ynni Solar gan Grwp Compton, y Prosiect Westernlink ac Ymchwil Ynni Solar Tata. Mae Prosiect Trin Gwastraff Gweddilliol Gogledd Cymru yn cynnwys pum awdurdod lleol Gogledd Cymru a bydd yn prosesu gwastraff gweddilliol cartrefi i leihau safleoedd tirlenwi. Bydd y broses drin yn cynhyrchu lefelau uchel o wres a phwer cyfunedig i’w defnyddio gan fusnesau lleol neur Grid Cenedlaethol. Mae caniatâd cynllunio wedi’i roi yn ddiweddar i’r Prosiect Ynni Solar ar dir gyferbyn â Pharc Diwydiannol Glannau Dyfrdwy. Bydd Grwp Compton yn cynhyrchu ynni pwer solar er budd busnesau a leolir yn y parc. Dylai gorsaf bwer trawsnewidydd ar y parc diwydiannol, or enw’r Prosiect Westernlink, fod yn weithredol erbyn 2016 a bydd yn trawsnewid pwer o ffermydd gwynt yn bwer ar gyfer system y Grid Cenedlaethol. Ac mae’r Ganolfan Amlen Adeilad Cynaliadwy (SBEC) yng Ngwaith Dur Tata ar Lannau Dyfrdwy yn hyrwyddo ymwybyddiaeth o natur gynaliadwy eu cynnyrch gydag Ymchwil Technoleg Solar Tata yn edrych ar dechnoleg arloesol a fydd yn gallu cynhyrchu ynni solar yn eu cynnyrch. Meddai Derek Butler, Aelod Cabinet Cyngor Sir y Fflint dros Ddatblygu Economaidd: “Mae hyrwyddo’r prosiectau hyn i gymuned fusnes Sir y Fflint yn dangos sut mae sefydliadau, cyhoeddus a phreifat, yn gweithio gydai gilydd ar atebion cynaliadwy er budd cwmnïau lleol ac ar yr un pryd yn creu swyddi. Mae angen i ni gymryd y cyfleoedd hyn i ddatblygu sgiliau ac arbenigedd newydd yn y dechnoleg syn dod ir amlwg. Meddai Askar Sheibani, Prif Swyddog Gweithredol y cwmni atgyweirio a chefnogaeth telathrebu, Comtek, a chadeirydd Fforwm Busnes Parc Diwydiannol Glannau Dyfrdwy: “Maer cyfarfodydd hyn yn arddangos y berthynas wych sydd gan Gyngor Sir y Fflint gydai gymuned fusnes leol, sy’n beth prin yn y DU. Maen profi pam bod dod at eich gilydd yn gallu gwneud gwahaniaeth mor fawr, gan y bydd y prosiectau cynaliadwyedd hyn yn cynhyrchu ynni adnewyddadwy ar gyfer Glannau Dyfrdwy ymhell ir dyfodol, gan greu economi sy’n fwy gwyrdd gan hyd yn oed arwain at fwy o swyddi, wrth i bobl ddod yn rhan or prosiect. Mae hwn yn gam mawr ymlaen i Lannau Dyfrdwy, sydd bellach wedi gosod esiampl i weddill Prydain.” Maer digwyddiad yn bosib o ganlyniad i brosiect cefnogi busnes ar gyfer busnesau menter bach i ganolig ym Mharc Diwydiannol Glannau Dyfrdwy a Stad Ddiwydiannol Wrecsam, or enw Prosiect Parciau Busnes Strategol Gogledd Ddwyrain Cymru, a ariennir gan Swyddfa Cyllid Ewropeaidd Cymru, Cyngor Sir y Fflint a Chyngor Bwrdeistref Sirol Wrecsam. Maer prosiect yn hyrwyddo cysylltiadau rhwng busnesau preifat a chyrff cyhoeddus ar draws y rhanbarth. Pennawd y llun: Aelodau Fforwm Busnes Parc Diwydiannol Glannau Dyfrdwy a chwmnïau eraill a wahoddwyd ir digwyddiad.