Newyddion Diweddaraf Cyngor Sir Y Fflint
Arddangos ein Gwasanaethau 2014
Published: 11/08/2014
Bydd arddangosfa o waith Timau Gwasanaethau Cefn Gwlad a Thwristiaeth Cynghorau
Sir Ddinbych a Sir y Fflint i’w gweld yn y sioe sir flynyddol a gynhelir yn y
Grîn yn Ninbych ddydd Iau, 21 Awst.
Thema arddangosfa’r Cynghorau ar y cyd fydd Diwrnodau i’r Brenin - Ar Garreg
eich Drws’. Bydd arddangosiadau ac arddangosfeydd ymarferol yn rhoi cyngor a
gwybodaeth ynglyn â sut y gall preswylwyr ac ymwelwyr fwynhau cefn gwlad
prydferth, pentrefi, hanes a threftadaeth Sir y Fflint a Sir Ddinbych.
Bydd arddangosfeydd allanol yn dangos gwaith ceidwaid yr arfordir gan
ddefnyddio gweithgareddau ac arddangosfeydd i helpu pobl o bob oedran i
werthfawrogi a deall ein morlin ardderchog, adeiladu wal gerrig a thechnegau
i’ch helpu i fwynhau gweithgareddau awyr agored.
Bydd arddangosfeydd yn y babell yn cynnwys safle cloddio archegolegol bach,
amgueddfa o atgofion, Carchar Rhuthun a gwybodaeth am gyfoeth o weithgareddau a
lleoedd i ymweld â nhw ledled y ddwy sir.
Bydd meithrinfeydd Triffordd o Sir y Fflint yn arddangos eu planhigion a bydd
cwmni nwyddau coed Meifod o Sir Ddinbych yn arddangos rhai o’u celfi gardd.
Gall ymwelwyr yr arddangosfa gymryd rhan mewn raffl i ennill hamper o fwydydd a
gynhyrchir yn lleol.
Meddai arweinydd Cyngor Sir y Fflint, y Cynghorydd Aaron Shotton:
Dyma’r chweched flwyddyn i ni weithio ar y cyd â Chyngor Sir Ddinbych ac eleni
byddwn yn arddangos sut y gall pobl o bob oedran fwynhau cyfoeth o atyniadau
sydd ar gael yn y ddwy sir.
Meddai Arweinydd Cyngor Sir Ddinbych, y Cynghorydd Hugh Evans OBE :
Mae’r ddau gyngor yn falch o gael cydweithio a chefnogi’r sioe unwaith eto.
Mae’r digwyddiad yn un poblogaidd a phwysig iawn yn y calendr amaethyddol.
Nodiadau i olygyddion:
Am fwy o wybodaeth ffoniwch y Tîm Cyfathrebiadau Corfforaethol ar 01352 702112