Newyddion Diweddaraf Cyngor Sir Y Fflint

Digwyddiad Dyfodol Sir y Fflint

Published: 25/06/2025

Mae Cyngor Sir y Fflint, mewn partneriaeth â LEAP (Dysgu, Archwilio, Cyflawni, Perfformio), yn falch o gyhoeddi Digwyddiad Dyfodol Sir y Fflint, a gynhelir dros bum dyddiad yn olynol ym mis Gorffennaf/Awst 2025. 

Mae’r dyddiadau a’r amseroedd fel a ganlyn: Dydd Mercher 2 Gorffennaf 2025 yn Sgwâr Daniel Owen yr Wyddgrug (10-3.30pm), dydd Iau 3 Gorffennaf 2025 yng Nghanol y Dref Treffynnon (Gerddi'r Twr) (10-3.30pm), dydd Mercher 16 Gorffennaf 2025 yn Sgwâr Daniel Owen yr Wyddgrug (10-3.30pm), dydd Iau 17 Gorffennaf yng Nghanol y Dref Treffynnon (Gerddi'r Twr) (10-3.30pm) a dydd Mercher 13 Awst 2025 yng Nghoed Castell Helygain (2-7pm).

Nod y digwyddiad hwn yw cysylltu ymadawyr ysgol eleni ag amrywiaeth eang o gefnogaeth – yn amrywio o gyflogaeth/prentisiaethau, i iechyd meddwl a lles, i gyfleoedd gwirfoddoli, i ddechrau eich busnes eich hun. 

Bydd y digwyddiad yn cynnwys ystod eang o sefydliadau, gan roi cyfle i'r sawl a fydd yno archwilio llwybrau gyrfa, darganfod prentisiaethau, gwirfoddoli, a chasglu mewnwelediadau gwerthfawr i'w camau nesaf…

Manylion y digwyddiad:

• Dyddiadau: 2, 3, 16, 17 Gorffennaf 2025 a 13 Awst 2025. 

• Amseroedd: 10-3.30pm a 2-7pm. 

• Lleoliadau: Sgwâr Daniel Owen, Yr Wyddgrug, CH7 1AP. Stryd Fawr Treffynnon a Gerddi’r Twr, Treffynnon, CH8 7LH. Coedwig Castell Helygain, Lower Lodge, Treffynnon, CH8 8DF (mynedfa y tu ôl i’r Travelodge, Helygain).

Rydym yn annog ymadawyr ysgol eleni i ddod gyda'u rhieni/gofalwyr a'r gymuned leol, i fanteisio ar y cyfleoedd gwych sydd ar gael. Mae hwn yn gyfle gwych i ymgysylltu'n uniongyrchol â busnesau, cyflogwyr a gwasanaethau cymorth lleol. Byddant wrth law i ateb unrhyw gwestiynau sydd gennych ac i'ch helpu i lunio'r penderfyniadau a fydd yn llunio'ch dyfodol. Edrychwn ymlaen at eich gweld chi yno!