Newyddion Diweddaraf Cyngor Sir Y Fflint
Wythnos Fusnes Sir y Fflint 7-10 Hydref 2014 - Cyflwynor noddwyr
Published: 08/09/2014
Maer prif noddwyr wedi eu cyhoeddi ar gyfer digwyddiad busnes 2014 blaenllaw
Sir y Fflint, Wythnos Fusnes Sir y Fflint.
Mae Westbridge Furniture Designs wedi ymrwymo i noddir Arddangosfa Fusnes am
yr ail flwyddyn yn olynol. Fe’i cynhaliwyd ar 8 Hydref yng Ngholeg Cambria,
Glannau Dyfrdwy, ac mae’r arddangosfa yn arddangos dros 70 o stondinau i tua
2,000 o gynrychiolwyr gan greu llwyfan ar gyfer busnes lleol.
Dywedodd Rheolwr Gyfarwyddwr Westbridge Furniture Designs, Paul Islip: “Mae
Westbridge Furniture unwaith eto yn falch iawn o fod yn rhan o Wythnos Fusnes
Sir y Fflint ac yn falch o fod yn noddwr yr Arddangosfa Fusnes.
“Maer arddangosfa undydd yn gyfle unigryw i amrywiaeth eang o fusnesau lleol
hyrwyddo eu cwmnïau a byddwn yn annog yn gryf i gynifer â phosibl gymryd rhan.
Dymar bedwaredd flwyddyn fel prif noddwr i AGS Security Systems, syn cefnogi
Gwobrau Busnes Sir y Fflint. Mae seremoni fawreddog yn Neuadd Sychdyn yn cael
ei chynnal ar 17 Hydref lle mae 10 categori gwobrau ar gyfer busnesau lleol.
Maer cwmni eu hunain wedi ennill yn y categori Gwobr Busnes Bach yn 2009.
Ychwanegodd Jonathan Turner, Rheolwr Gyfarwyddwr, AGS Security Systems: “Mae
AGS Security Systems unwaith eto yn falch o fod yn brif noddwr Gwobrau Busnes
Sir y Fflint 2014, rydym hefyd wedi ymrwymo i lwyddiant Wythnos Fusnes Sir y
Fflint,
“Rwyf yn argyhoeddedig y gallai Gwobrau Busnes Sir y Fflint gyflawni canlyniad
gwych i chi ach busnes ac rwyf yn bersonol wrth fy modd y gallwn ni chwarae
ein rhan.
Dywedodd yr Arglwydd Barry Jones, Llywydd Wythnos Fusnes Sir y Fflint: “Ein
noddwyr yw dau brif gwmni Sir y Fflint a gyda’u cefnogaeth rwyn siwr y bydd y
digwyddiad yn gwneud cynnydd mawr. Wythnos Fusnes Sir y Fflint yw un or
digwyddiadau mwyaf blaenllaw oi fath yng Nghymru ac rwyf mor falch o fod yn
rhan o dîm mor fentrus a blaengar.
Croesawodd y Cynghorydd Derek Butler, Aelod Cabinet dros Ddatblygu y noddwyr:
“Rydym yn falch iawn i gyflwyno dau brif noddwr Wythnos Fusnes y mae eu nawdd
yn ychwanegu gwerth at y profiad busnes cyfan. Maer Arddangosfa Fusnes yn denu
pobl o bob cwr or rhanbarth ac mae’r Gwobrau Busnes yn gyfle i bobl a chwmnïau
gael eu cydnabod am eu cyfraniad at y gymuned economi a busnes leol.
“Maer rhain yn ddwy elfen wych ir wythnos a hoffem ddiolch i AGS Security
Systems a Westbridge Furniture Designs am eu cefnogaeth.
Nodyn ir Golygydd
AGS Security Systems
Fei sefydlwyd ym 1987 ac maer cwmni yn osodwr achrededig blaenllaw o larymau
lladron a thân, teledu cylch caeedig, giatiau a rhwystrau awtomataidd, rheoli
mynediad a goleuadau argyfwng ac erbyn hyn mae’n darparu gwasanaeth deiliad
allwedd a gwarchodwyr sefydlog yn ogystal â gwasanaeth monitro a chynnal a
chadw systemau o safon fyd-eang. Mae eu prif swyddfa yn Sir y Fflint, ond maent
wedi ehangu i sefydlu swyddfa yng Nghanolbarth Lloegr ac mae eu cleientiaid yn
cynnwys Moneysupermarket, Cyngor Dinas Stoke a Kelloggs. Maer cwmni wedi
derbyn cymorth busnes gan dîm datblygu busnes y Cyngor yn y gorffennol.
Westbridge Furniture Designs
Gyda thair ffatri ym Maes Glas, Glannau Dyfrdwy ac ar Barc Diwydiannol Glannau
Dyfrdwy mae’r cwmni yn cynhyrchu dodrefn ar gyfer Ikea, Next, John Lewis ac M&S
ac yn arbenigo mewn soffas a chlustogwaith. Mae gweithlu o 850 a thîm dylunio o
30 wedi helpur busnes fynd o fusnes newydd i un â throsiant o £52m mewn deng
mlynedd. Derbyniodd Westbridge Furniture gymorth busnes gan dîm busnes Cyngor
Sir y Fflint wrth iddynt sicrhau arian gan Lywodraeth Cymru ar gyfer ehangu i
eiddo ar Barc Diwydiannol Glannau Dyfrdwy.
Pennawd y llun Ch-Dd: Paul Islip, Westbridge Furniture Designs, Jonathan
Turner, AGS Security Systems, Yr Arglwydd Barry Jones ar Cyng Derek Butler,
Cyngor Sir y Fflint.