Newyddion Diweddaraf Cyngor Sir Y Fflint

Gwaith brys wedi’i gynllunio ar gyfer Chester Road, Shotton

Published: 06/03/2026

Bydd gwaith trwsio brys yn cael ei gynnal ar adran o Chester Road, Shotton, ddydd Sadwrn, 7 Mawrth, cyn i’r gwaith o roi wyneb newydd ar y ffordd gychwyn yn ddiweddarach y mis hwn.

Bydd gweithwyr yn cynnal gwaith i dynnu’r adran o’r ffordd sydd wedi dirywio fwyaf ger maes parcio Ash Grove. Mae angen cynnal y gwaith er mwyn mynd i’r afael â’r adran o’r ffordd sydd wedi’i heffeithio waethaf cyn y rhaglen waith lawn o roi wyneb newydd ar ffyrdd.

Unwaith mae’r gwaith wedi’i gwblhau, bydd y ffordd mewn cyflwr dros dro nes iddi gael ei hadfer yn llawn fel rhan o waith y prif gynllun, sydd wedi’i drefnu i gychwyn ar 18 Mawrth. Bydd manylion llawn o’r cynllun hwn ar gael yr wythnos nesaf.

Mae Cyngor Sir y Fflint yn diolch i breswylwyr a defnyddwyr y ffordd am eu hamynedd wrth i’r gwaith hanfodol hwn fynd rhagddo.