Newyddion Diweddaraf Cyngor Sir Y Fflint

Gwobrau Busnes Sir y Fflint - Noddwyr

Published: 17/10/2014

Tra bod y beirniaid yn gwneud y penderfyniadau terfynol ar enillwyr seithfed digwyddiad blynyddol Gwobrau Busnes Sir y Fflint ar 17 Hydref, mewn cydweithrediad ag AGS Security Systems Cyf, mae’r cwmnïau syn noddi’r 10 categori a wobrwyir wedi cael eu cyhoeddi. Caiff gwobr Start Up eleni ei gefnogi gan y cyfrifwyr siartredig annibynnol rhanbarthol blaenllaw, DGS. Yn ddiweddar, maer cwmni wedi ymuno â chwmni cyfrifeg o Wrecsam, John Davies & Co, fel rhan o bartneriaeth waith newydd syn cynnig ystod well o wasanaethau arbenigol i gleientiaid o bob rhan o Ogledd Cymru. Gyda chyfleusterau gweithgynhyrchu yn Sir y Fflint, mae’r cwmni rhyngwladol Knauf Insulation yn noddi gwobr Allforiwr y Flwyddyn. Yn ddiweddar, darparodd Knauf Insulation ddeunyddiau ar gyfer Terfynfa 2 newydd Heathrow, gan gyfrannu at ei wneud 40 y cant yn fwy effeithlon o ran carbon diolch i gynhyrchion inswleiddio RS45 Slab Adeiladu Earthwool. Gan fod Coleg Cambria wedi croesawu dros 50 o brentisiaid o Gyngor Sir y Fflint i weithdy adeiladu tîm ysblennydd yn ddiweddar, ymddengys yn briodol mai nhw ddylai noddi’r wobr Prentisiaeth. Galluogodd Sialens y Farchnad Stoc ar safle’r coleg yn Llaneurgain i hyfforddeion newydd ddod at ei gilydd cyn cychwyn ar eu prentisiaethau yn y Cyngor. Yn ogystal â gweithredu fel y prif noddwyr, mae AGS Security yn cefnogi gwobr Unigolyn Busnes y Flwyddyn. Fei sefydlwyd ym 1987 ac maer cwmni yn osodwr achrededig blaenllaw o larymau lladron a thân, teledu cylch caeedig, giatiau a rhwystrau awtomataidd, rheoli mynediad a goleuadau argyfwng ac erbyn hyn mae’n darparu gwasanaeth deiliad allwedd a gwarchodwyr sefydlog yn ogystal â gwasanaeth monitro a chynnal a chadw systemau o safon fyd-eang. Hon yw eu pedwaredd flwyddyn o noddi gwobr. Mae Gwobr Busnes y Flwyddyn ar gyfer busnesau o dan 50 o weithwyr yn cael ei noddi gan Ffederasiwn y Busnesau Bach, sef carfan ymgyrchu fwyaf y DU syn hyrwyddo a gwarchod buddiannau gweithwyr hunangyflogedig a pherchnogion cwmnïau bach drwy gyhoeddir materion syn effeithio ar aelodaur FSB gerbron llywodraethau ar cyfryngau. Mae Edge Transport Cyf yn noddir wobr gweithgynhyrchu. Dywedodd y rheolwr gyfarwyddwr, Jonathan Edge: “Mae gweithgynhyrchu yn hollbwysig i economir DU, felly mae Edge Transport yn falch iawn o gael noddi Gwobr Busnes Sir y Fflint ar gyfer gweithgynhyrchu eleni. Maer Gwobraun ffordd wych o gydnabod rhagoriaeth ac arloesedd gweithgynhyrchu, a bydd yn galluogi i’r rheini syn ennill gyda Sir y Fflint arddangos eu busnesau yn lleol ac yn genedlaethol.” Mae Pochin Construction Ltd wedi ennill contract gwerth £3 miliwn i ddylunio ac adeiladu’r cyfleusterau gweithredu a chynnal a chadw hirdymor newydd ar gyfer Fferm Wynt Alltraeth Gwynt y Môr RWE Innogy UK. Bydd y cyfadeilad gwerth miliynau o bunnau ym Mhorthladd Mostyn, Gogledd Cymru, yn cynnwys mwy na 100 o staff hirdymor, gan ddarparu gwasanaethau peirianneg, technegol, rheoleiddiol a gweinyddol ar hyd oes weithredol y fferm wynt. Maer ddau gwmni yn cymryd rhan yn y Gwobrau gyda Pochin yn noddi Busnes y Flwyddyn 50+ o weithwyr a The Port of Mostyn yn noddir wobr Amgylchedd/Werdd. Caiff y wobr Arloesedd/Creadigrwydd ei noddi gan Brifysgol Glyndwr yn Wrecsam, sefydliad arloesol sy’n ymrwymedig i fusnesau ar draws y rhanbarth. Cafodd Arloesiadau Glyndwr, sef cangen fasnachol y Brifysgol, ei enwi y cwmni syn tyfu gyflymaf yng Nghymru yn 2012 a’r bedwaredd gyflymaf y llynedd, yn ogystal â dod yn fuddugol yng nghategori Diwydiannau Creadigol a Gwybodus am yr ail dro yn olynol. Bydd partneriaethau allweddol gyda’r diwydiant pwysau trwm, gan gynnwys Carillion, UPM Shotton a Toyota, yn atgyfnerthu strwythur gweithredol ac academaidd newydd gyda’r nod o gryfhau profiad myfyrwyr a chysylltiadau masnachol ar draws Gogledd-ddwyrain Cymru a thu hwnt. Yn olaf, caiff y Wobr Gymdeithasol a Chymunedol ei noddi gan Fwrdd Uchelgais Economaidd Gogledd Cymru (EAB), sefydliad syn cynnwys partneriaid o bob rhan or rhanbarth syn gweithio gydai gilydd i gefnogir sector busnes i greu swyddi cynaliadwy, tran galluogi i unigolion a busnesau ddatblygu anghenion sgiliau ymhellach. Dywedodd y Cynghorydd Derek Butler, Aelod Cabinet dros Ddatblygu Economaidd: “Maer gwobrau yn cael eu gwneud hyd yn oed yn well gyda chymorth y cwmnïau hyn a diolch yn fawr iawn i bob un sy’n cymryd rhan. Rydym yn edrych ymlaen at gyfarfod enillwyr pob categori yn y seremoni ddydd Gwener.” Nawr, bydd deg beirniad yn gwerthuso pob categori o blith y ceisiadau a gyflwynwyd. Bydd ymgeiswyr 2014 i gyd yn mynd i’r seremoni Cinio Gala Gwobrwyo yn Neuadd Sychdyn, Llaneurgain, ddydd Gwener 17 Hydref, lle caiff yr enillwyr eu cyhoeddi. Mae tocynnau a brynir ar gyfer Cinio Gala y Gwobrau tei du yn costio £65 neu £600 ar gyfer bwrdd o 10. I gadw llefydd, ffoniwch Kate Catherall ar 01352 703221.