Newyddion Diweddaraf Cyngor Sir Y Fflint
Celfyddyd a dawns
Published: 25/04/2014
Bydd celfwaith a ysbrydolwyd gan ddawns yn cael ei arddangos ar draws dwy o
siroedd Gogledd Cymru ym mis Mai.
Mae’r arddangosfa’n rhan o brosiect ar y cyd gan Cymunedau yn Gyntaf Dwyrain
Sir y Fflint ynghyd â Dechrau’n Deg yn cael ei redeg dros y Pasg yn Ysgol
Uwchradd John Summers yn Queensferry a Chanolfan y Dderwen yn Y Rhyl. Mae mewn
partneriaeth hefyd â’r Gwasanaeth Gwybodaeth i Deuluoedd a Chlwstwr Cymunedau
yn Gyntaf Gogledd Sir Ddinbych sy’n gweithio gyda grwpiau babanod a phlant
bach, clwb gwyliau
a phobl o’r gymuned leol.
Bu plant dwy oed a hyn yn gweithio gyda’r artist gweledol proffesiynol Luned
Rhys Parri a’r ymarferydd dawns Jamie Jenkins o NEW Dance i greu celfwaith
wedi’i seilio ar thema wyneb hapus, traed yn dawnsio. Roedd y prosiect yn
edrych sut y mae pobl ifanc yn ymateb i emosiwn, beth sy’n eu gwneud yn hapus a
sut y mae hyn yn cael ei gyfleu yn gorfforol ac ar lafar.
Bydd yr arddangosfeydd yn cael eu cynnal yn Clwyd Theatr Cymru o 6 Mai tan 10
Mehefin ac Oriel Llyfrgell Y Rhyl o 24 Mai tan 19 Gorffennol gyda phobl ifanc
yn perfformio wrth ochr yr arddangosion yn ystod yr agoriad swyddogol.
Meddai’r Cynghorydd Chris Bithell, Aelod y Cabinet dros Addysg:
“Rwyf yn falch iawn fod pobl ifanc a rhieni o fewn ardaloedd Cymunedau yn
Gyntaf yn Sir y Fflint a Sir Ddinbych yn cael cyfleoedd creadigol gwerthfawr i
fynegi eu hunain ac yn y pen draw i ddysgu sgiliau artistig newydd. Mae’r
prosiect hwn yn dangos gweithio mewn partneriaeth rhagorol rhwng awdurdodau
lleol hefyd ac rwyf yn llongyfarch yr holl swyddogion a fu â rhan yn hyn.”
Meddai Sian Fitzgerald, Swyddog Datblygu’r Celfyddydau i Gyngor Sir Ddinbych:
“Mae hwn yn gyfle ardderchog i bawb fu’n cymryd rhan, i ddatblygu sgiliau
creadigol yn y gymuned a hefyd i ddatblygu partneriaethau creadigol ymhellach,
nid yn unig gyda Chlwstwr Cymunedau yn Gyntaf Gogledd Sir Ddinbych a’r
Gwasanaethau Gwybodaeth i Deuluoedd o fewn Sir Ddinbych, ond hefyd gydag adran
Celfyddydau, Diwylliant a Digwyddiadau Sir y Fflint.”
Roedd y prosiect hwn wedi’i ariannu ar y cyd gan adran Celfyddydau, Diwylliant
a Digwyddiadau Sir y Fflint, Cymunedau yn Gyntaf Dwyrain Sir y Fflint,
Gwasanaeth Celfyddydau Cymunedau Sir Ddinbych a Chyngor Celfyddydau Cymru.
Nodyn i Olygyddion:
I gael cyfleoedd i dynnu lluniau cysylltwch â:
Sir y Fflint: Trefor Lloyd Roberts
Swyddog Datblygu’r Celfyddydau
Cyngor Sir y Fflint
01352 704027 / trefor.l.roberts@flintshire.gov.uk
Sir Ddinbych: Jo McGregor Cydlynydd Celfyddydau Annibynnol
Cyngor Sir Ddinbych
01745 730209 / 07973 931097
jo.mcgregor@hotmail.co.uk