Newyddion Diweddaraf Cyngor Sir Y Fflint
Cystadleuaeth Youth Speaks
Published: 16/12/2014
Yn ddiweddar bu myfyrwyr o ysgolion uwchradd ar draws Sir y Fflint yn cymryd
rhan yn rownd derfynol sirol cystadleuaeth flynyddol Youth Speaks – sef
cystadleuaeth siarad cyhoeddus i ganfod pa un o ysgolion y Deyrnas Unedig sydd
âr myfyrwyr âr sgiliau argyhoeddi gorau ac syn gallu mynegi eu safbwyntiau’n
glir ac yn gadarnhaol.
Caiff y gystadleuaeth hon ei chynnal gan Glwb Rotari’r Wyddgrug ar y cyd ag
Adran Dysgu Gydol Oes Cyngor Sir y Fflint.
Cafodd y rownd derfynol ei chynnal yng Ngwesty Beaufort Park, New Brighton, yr
Wyddgrug, ller oedd disgyblion o Ysgolion Uwchradd y Fflint, Treffynnon,
Argoed, Castell Alun ac Ysgol Alun yr Wyddgrug yn mynegi eu safbwyntiau ynglyn
ag ystod eang o bynciau.
Ysgol Uwchradd Treffynnon gafodd y clod yn y categori canolraddol (ar gyfer
disgyblion 11 i 13 oed), tra mai Ysgol Uwchradd Argoed enillodd y categori uwch
(14 i 17 oed).
Bydd yr enillwyr yn cynrychioli Sir y Fflint yng nghystadleuaeth y Rotari ar
lefel dosbarth– sef ardal o ganolbarth Cymru hyd at ogledd afon Merswy – a bydd
y gystadleuaeth yn cael ei chynnal ym Mhrifysgol Glyndwr ar 6 Mawrth 2015.
Cyflwynwyd y gwobrau i’r ysgolion buddugol gan Lywydd y Rotari, Mr Leslie Butt.
Cyflwynodd y Cynghorydd Chris Bithell, Aelod y Cabinet dros Addysg, docynnau
ir holl fyfyrwyr syn cystadlu. Dywedodd:
“Llongyfarchiadau ir holl ddisgyblion oedd yn cymryd rhan, ac ir enillwyr yn
arbennig. Roedd safon y siarad cyhoeddus yn ardderchog ac roedd y beirniaid
hefyd yn cydnabod safon uchel y rhai ddaeth yn agos i’r brig eleni.”
“Dyma’r unfed flwyddyn ar bymtheg i Glwb y Rotari gynnal y gystadleuaeth Youth
Speaks ac, os bydd ein hysgolion lleol ni’n llwyddiannus yn y rownd nesaf, mi
fyddan nhw’n cystadlu yn erbyn ysgolion eraill o bob rhan o Ogledd Orllewin
Prydain, cyn herio timau o Loegr, Iwerddon, yr Alban a Chymru yn y rownd
derfynol fawreddog. ‘Dan ni’n dymuno pob llwyddiant iddyn nhw yn y
gystadleuaeth ar lefel dosbarth ym mis Mawrth.
Dywedodd Llywydd y Rotari, Mr Leslie Butt, Mi gafon ni ein plesio gan yr
amrywiaeth o bynciau a ddewiswyd gan y myfyrwyr, gan gynnwys y pynciau buddugol
‘Do Wild Animals Benefit From Being Kept in Captivity?’ a ‘Misguided Youth.’
Roedden nhw wedi ymchwilio i’w pynciau’n drwyadl ac yn cyflwyno gyda dawn ac
argyhoeddiad. Mae angen llongyfarch pob un or myfyrwyr, a’u hathrawon au
rhieni am gyrraedd safon mor uchel.
Nodyn i olygyddion
Llun
0633: Y Cynghorydd Chris Bithell yn cyflwyno’r Tlws Canolradd i Ysgol Uwchradd
Treffynnon. Or chwith ir dde: Emma Lindsay, Lowri Kadelka-Williams a George
Evans.
0635: Cyflwyno’r Tlws Uwchradd i Ysgol Uwchradd Argoed. Or chwith ir dde: Y
Cynghorydd Chris Bithell, John Lamont, Aled Burt ac Emma Pryce.
Sefydlwyd Clwb Rotari’r Wyddgrug yn 1936, ac maen rhan o gymuned o filoedd o
Glybiau Rotari eraill sy’n rhan o Sefydliad y Rotari ledled y byd, sydd, wedi
can mlynedd o fodolaeth, yn darparu cymorth a chyfle gwasanaethu i gymunedau yn
lleol ac yn rhyngwladol. Arwyddair y Rotari yw Service above Self, ac mae a
wnelo’r Rotari â nifer o brosiectau dyngarol ar lefel leol a rhyngwladol. Yn
rhyngwladol, mae’r Rotari wedi ymrwymo i waredu Polio o’r byd yn y blynyddoedd
nesaf ac i ddarparu help a chefnogaeth i gymunedau yn y trydydd byd - gan
gynnwys cynnig cymorth mewn cyfnod o drychineb. Ar lefel leol, mae’r Rotari’n
darparu cefnogaeth i elusennau lleol a grwpiau dan anfantais. Mae’r Rotari
hefyd yn hyrwyddo cystadlaethau ieuenctid lleol gan gynnwys Young Chef,
Rotary Youth Leadership Award a chystadleuaeth siarad cyhoeddus “Youth
Speaks. Yn y blynyddoedd diwethaf bu gan Glwb Rotari’r Wyddgrug gynrychiolwyr
yn rownd derfynol genedlaethol cystadlaethau “Young Chef” a Youth Speaks.