Newyddion Diweddaraf Cyngor Sir Y Fflint
Cynllun gwella canol tref Bwcle
Published: 30/12/2014
Bydd gwaith yn dechrau yn y Flwyddyn Newydd ar welliannau i greu gofod
amlddefnydd deniadol yng nghanol tref Bwcle. Maer gwaith i fod i ddechrau ar
12 Ionawr 2015 a bwriedir ei gwblhau erbyn canol mis Mawrth 2015.
Mae newidiadau a gwelliannau yn cael eu gwneud i Faes Parcio Ffordd Brunswick.
Bydd y gwaith yn gwellar ardal hon drwy greu gofod mwy deniadol a defnyddiol
ar gyfer cynnal amrywiaeth o ddigwyddiadau, wrth alluogi ir ardal aros fel
maes parcio allweddol ar gyfer y rhan fwyaf or amser.
Maer cynllun gwella Strydlun a Mynediad yn rhan o Brosiect Adfywio Canol
Trefi Gogledd Ddwyrain Cymru. Mae’r prosiect hwn wedi’i ariannu’n rhannol gan
Gronfa Ddatblygu Rhanbarthol Ewrop drwy Lywodraeth Cymru.
Bydd seddi pwrpasol hefyd yn cael eu gosod i adlewyrchu rhywfaint o hanes y
dref. Mae seddi tryc yn cael eu gwneud yn seiliedig ar dryciau tipio clai a
gafodd eu hadfer yn 2005 o bwll ar y comin ac fe’u hadnewyddwyd gan aelodau
Cymdeithas Bwcle (www.buckleysociety.org.uk). Roedd tryciau or fath yn cael eu
defnyddio yn gyffredin mewn chwareli gweithfeydd brics o gwmpas y dref ac maent
yn rhan allweddol o hanes Bwcle.
Mae nifer o golofnau brics hefyd yn ffurfio rhan or gwelliannau a gobeithir y
byddant hefyd yn arddangos rhywfaint o hanes gwneud briciau’r dref trwy gynnwys
rhai brics gwreiddiol or dref.
Bydd aflonyddwch yn ystod y gwaith gwella yn cael ei gadw ir lefel lleiaf
posibl ond sylwer na fydd modd defnyddio rhan helaeth o Faes Parcio Ffordd
Brunswick tra bydd y gwaith yn digwydd. Bydd modd parcio yng nghanol y dref yng
nghefn y Ganolfan.
Bydd swyddogion y Cyngor a chynrychiolwyr or contractwr gwaith wrth law yn y
Ganolfan (yng nghaban y Cyngor Tref) ddydd Iau 8 Ionawr 2015 o 4pm i 6.30pm i
drafod unrhyw bryderon neu ymholiadau a all fod gan drigolion neu fusnesau
lleol cyn ir gwaith ddechrau.
Dywedodd y Cynghorydd Derek Butler, Aelod Cabinet dros Ddatblygu Economaidd:
“Maer Cyngor wedi ymrwymo i gefnogi canol trefi yn Sir y Fflint ac mae wedi
sicrhau cyllid Ewropeaidd a Llywodraeth Cymru i wella eu hymddangosiad. Bydd y
gwelliannau hyn i dref Bwcle yn gwellar gofod canolog hwn a fydd yn cael ei
ddefnyddio mwy ar gyfer digwyddiadau ac yn creu parth cyhoeddus gwell.
“Rydym hefyd yn gofyn i unrhyw un sydd ag unrhyw frics Bwcle y byddent yn hoffi
eu cynnwys yn y gwaith gwella (yn y colofnau brics) i ddod â hwy i Swyddfeydd y
Cyngor Tref ar Ffordd yr Wyddgrug cyn gynted â phosibl.