Newyddion Diweddaraf Cyngor Sir Y Fflint

Ymgynghori ynghylch Ysgolion Saltney

Published: 16/05/2014

Mae ymgynghoriad wedi dechrau ynghylch y cynnig i uno Ysgol Gynradd Saltney Ferry ac Ysgol Uwchradd Dewi Sant yn Saltney. Y dewis cyntaf a gynigir yw newid ystod oedran disgyblion Ysgol Uwchradd Dewi Sant o 11-18 i 11-16 o fis Medi 2016 ymlaen. Mae hyn yn debyg i’r trefniadau a gynigiwyd ar gyfer ysgolion uwchradd Treffynnon, Cei Connah a Queensferry o fis Medi 2016 ymlaen ac ar gyfer Ysgol Uwchradd Elfed, Bwcle o fis Medi 2014 ymlaen. Bydd cyrsiau ar gyfer myfyrwyr ôl 16 ar gael yn y Ganolfan Chweched Dosbarth newydd yng Nghei Connah ym mis Medi 2016.   Yr ail ddewis yw uno Ysgol Gynradd Saltney Ferry ac Ysgol Uwchradd Dewi Sant yn Saltney erbyn mis Medi 2015 a newid ystod oed disgyblion yr Ysgol Uwchradd i 3-16 ym mis Medi 2016. Gallwch ddweud eich barn mewn gwahanol ffyrdd: ·              gofyn cwestiynau a dweud eich barn yn y cyfarfodydd hyn ·              llenwi holiadur ar-lein yn www.siryfflint.gov.uk/adolygiadysgolion ·              llenwi holiadur papur a’i ddychwelyd at Dîm Cymedroli Ysgolion, Dysgu Gydol Oes, yr Wyddgrug, Sir y Fflint CH7 6ND; neu ·              anfon eich ymatebion/cwestiynau’n ysgrifenedig at Dîm Cymedroli Ysgolion, Dysgu Gydol Oes, yr Wyddgrug, Sir y Fflint CH7 6ND; Bydd yr ymgynghoriad yn dechrau’n swyddogol ddydd Llun 19 Mai a bydd y manylion i’w gweld ar-lein yn www.siryfflint.gov.uk/adolygiadysgolion.  Dawr ymgynghoriad i ben ar 4 Gorffennaf 2014. Nodyn i olygyddion Cynhelir cyfarfodydd ymgynghori ynghylch Ysgol Uwchradd Dewi Sant ddydd Llun 19 Mai am 4pm i staff ac am 6pm i rieni a gofalwyr. Cynhelir y cyfarfodydd ar gyfer Ysgol Gynradd Saltney Ferry ddydd Iau 22 Mai am 4pm i staff ac am 6pm i rieni a gofalwyr.