Newyddion Diweddaraf Cyngor Sir Y Fflint
Cist Offer
Published: 06/06/2014
Mae Gwasanaeth Cefn Gwlad Sir y Fflint wedi rhoi cist o offer cymunedol i
ddisgyblion ysgol i ddiolch iddynt am helpu i wella’r amgylchedd lleol.
Dair blynedd yn ôl, mabwysiadodd Ysgol Uwchradd Cei Connah safle ar Rock Road
yn y dref, a elwir yn lleol yn ‘The Rock’, fel rhan o ymgyrch i gael disgyblion
i gyfrannu at wella safon bywyd yn y gymuned leol a dysgu am gefn gwlad.
Mae myfyrwyr yr ysgol wedi cynorthwyo ceidwaid arfordirol Gwasanaeth Cefn Gwlad
Sir y Fflint i lanhaur safle ac maent wedi chwarae rhan frwd yn y gwaith o
wella’r amgylchedd a chynefinoedd bywyd gwyllt.
I gydnabod ymrwymiad hirdymor yr ysgol, mae Gwasanaeth Cefn Gwlad Sir y Fflint
wedi rhoi cist o offer cymunedol i gynhorthwyo’r disgyblion â’u
gweithgareddau. Mae’r pecyn yn cynnwys ffyrch a rhawiau garddio, hofiau
garddio, llifiau bwa, siswrn tocio a chasglwyr sbwriel.
Meddai Mary Daniels, Gweithiwr Cyswllt Teuluoedd yn Ysgol Uwchradd Cei Connah:
“Mae’r dysgwyr yn Ysgol Uwchradd Cei Connah bob amser yn barod i gymryd rhan
mewn gwaith cymunedol a bydd y gist offer yn ein galluogi i adeiladu ar yr
ymgysylltiad cymunedol hwn .”
Meddai’r Cynghorydd Bernie Attridge, Aelod o’r Cabinet dros yr Amgylchedd:
“Mae’r ysgol wedi gwneud ymrwymiad mawr, nid yn unig i’r ceidwaid ond i helpu’r
amgylchedd hefyd. Bydd yr arwydd hwn o ddiolchgarwch gan y ceidwaid yn rhoi
cyfle i blant gymryd rhan yn y prosiect am flynyddoedd i ddod ac yn darparu
cyfle dysgu gwych i’r disgyblion.
Llun o’r chwith i’r dde: athrawes o Ysgol Uwchradd Cei Connah, Mary Daniels,
gyda’r disgyblion a cheidwad yr arfordir, Karen Rippin.