Newyddion Diweddaraf Cyngor Sir Y Fflint

Ysgol leol yn croesawu dysgu yn yr awyr agored

Published: 29/09/2021

Staff a disgyblion Ysgol Derwenfa Coed-Llai yn croesawu dysgu yn yr awyr agored yr hydref hwn. 

Roedd yr ysgol gyfan wedi mwynhau diwrnod hydrefol gydag arbenigwyr dysgu yn yr awyr agored Polly a Carolyn.  Roedd pob plentyn o’r feithrinfa i flwyddyn 6 wedi defnyddio deunyddiau naturiol i chwarae, creu a dysgu. 

Mae staff Ysgol Derwenfa wedi manteisio ar ddysgu yn yr awyr agored yn dilyn sesiynau hyfforddiant ysbrydoledig gydag ymarferwyr dysgu yn yr awyr agored lleol yn yr ysgol, a bellach yn ei gyflwyno i ddisgyblion gyda diwrnod dysgu yn yr awyr agored â thema Hydrefol. 

Mae defnyddio’r awyr agored fel ystafell ddosbarth yn cynnwys manteision cyfannol diddiwedd i blant a staff.  Mae staff ysgol yn mwynhau hyfforddiant oedd wedi dechrau yn ôl ym mis Mehefin a bellach maent yn teimlo’n ysbrydoledig i ddefnyddio’r awyr agored boed law neu hindda.  Mae eu syniadau a gwybodaeth ar sut y gallant ddefnyddio gweithgareddau yn seiliedig ar natur, archwilio a chwarae yn cael eu datblygu gan gynnig llawer o ddeilliannau dysgu cadarnhaol i’r disgyblion a pha mor dda mae’n cysylltu â’r cwricwlwm.   Mae pawb sy’n cymryd rhan yn mwynhau defnyddio eitemau naturiol boed yn frigau ar gyfer rhifedd a dail ar gyfer llythrennedd, gall pob elfen fod yn drawsgwricwlaidd ac yn fuddiol ar gyfer lles. 

Mae cysylltu â natur yn bwysig iawn ar gyfer dealltwriaeth plant o’r gofod awyr agored, i ofalu am natur a’r amgylchedd a chysylltu’n llwyddiannus â phynciau ystafell ddosbarth mewn ffyrdd hwyliog a chymryd rhan sy’n gadael atgofion a phrofiadau dysgu o ansawdd uchel. 

Dywedodd y Pennaeth Mr Andrew Jones: 

 “Yn dilyn y cwrs hyfforddiant awyr agored gan Polly Snape a Carolyn Burkey yn ôl ym mis Mehefin, rydym yn gyffrous a brwdfrydig i ddatblygu ein hardal awyr agored a’r defnydd cyffredinol o’r awyr agored.  Rydym yn hynod o lwcus i gael tir bendigedig a gyda eu cymorth nhw rydym yn dysgu am yr adnoddau naturiol a sut y gallwn wella ein gwersi a chynnwys y cwricwlwm newydd drwy ddysgu yn yr awyr agored. Fel rhan o’n “cyllid ysgol fach”, rydym yn falch fod Polly a Carolyn wedi dychwelyd i gyflwyno’r sesiwn hydrefol hwn i’r ysgol gyfan a darparu’r sesiwn hyfforddiant staff hwn ar ôl ysgol.”

Meddai Arweinydd Cyngor Sir y Fflint ac Aelod Cabinet Addysg ac Ieuenctid, y Cynghorydd Ian Roberts: 

 “mae’n galonogol iawn gweld plant Sir Y Fflint yn mynd allan i’r awyr agored.  Mae manteision lles ac addysgol dysgu yn yr awyr agored yn ddiddiwedd.  Mae’r ysgol yn gwneud yn fawr o’r cyfle hwn i uwchsgilio’r staff a chynnwys y plant yn y sesiynau hyn, sefydlu dyfodol o ddysgu ysbrydoledig ar dir yr ysgol.    Rwy’n siwr eu bod yn cael cymaint o hwyl yn defnyddio’r deunyddiau naturiol i ddysgu a chwarae.”