Amdanom Ni

Blynyddoedd Cynnar a Gofal Plant Sir y Fflint

“Mae’r blynyddoedd cynnar (o genhedlu hyd at ben-blwydd y plentyn yn saith) yn gyfnod allweddol ym mywydau ein plant. Ein gweledigaeth yw i BOB plentyn gael y dechrau gorau mewn bywyd, a chael magwraeth hapus, iach a diogel, gyda’r cyfle i gyrraedd eu potensial, gan adael neb ar ôl. Mae profiadau plentyn yn ystod y cyfnod hwn yn cael effaith sylweddol ar eu cyfleoedd mewn bywyd. Mae’r cyfuniad o ddulliau magu plant da, cyngor da, cefnogaeth a chyfleoedd ar gyfer addysg o ansawdd uchel yn darparu’r sylfaen sydd ei angen ar bob plentyn i’w paratoi i ddysgu a gwneud y mwyaf o’u gallu wrth iddynt dyfu. Mae hyn yn arbennig o bwysig ar gyfer plant dan anfantais lle gall cefnogaeth yn y blynyddoedd cynnar gael yr effaith fwyaf.”

Croeso i wasanaeth Blynyddoedd Cynnar a Gofal Plant Sir y Fflint.

Ddechrau 2022, dechreuom ein hymgynghoriad ‘Llais Rhieni Sir y Fflint’. Siaradom gyda rhieni a rhieni a oedd yn disgwyl babi ar draws y sir, a nododd y byddai’n ddefnyddiol cael un lle’n darparu gwybodaeth am beth sydd ar gael yn Sir y Fflint, i’w cefnogi ar eu siwrnai fel rhieni.

Mae tîm Blynyddoedd Cynnar a Gofal Plant Sir y Fflint yn darparu gwybodaeth, cyngor a chefnogaeth i rieni sy’n disgwyl babi a theuluoedd gyda phlant ifanc rhwng 0 a 7 oed sy’n byw yn Sir y Fflint.

Os ydych chi’n disgwyl babi, neu eisoes yn rhiant (gan gynnwys neiniau a theidiau a gofalwyr) i blentyn sy’n 7 oed neu’n iau ac yn byw yn Sir y Fflint, gobeithiwn y bydd y wybodaeth hon yn ddefnyddiol i chi.

Os ydych chi’n darparu gwasanaethau i blant ifanc a’u teuluoedd, gobeithiwn y bydd y ffynhonnell hon yn ddefnyddiol i chi ddod o hyd i wybodaeth, cyngor a chefnogaeth i’ch helpu yn eich rôl a’i rhannu gyda theuluoedd.

Mae’r gwasanaeth Blynyddoedd Cynnar a Gofal Plant yn cynnwys pedwar maes allweddol:

Porth Blynyddoedd Cynnar
Tîm Plant a Rhieni Blynyddoedd Cynnar
Tîm Gofal Plant
Strategaeth, Cynllunio a Gwerthuso Blynyddoedd Cynnar, gan sicrhau ein bod yn gwneud y pethau cywir, a’u gwneud nhw’n dda.

Porth Blynyddoedd Cynnar

Y Porth Blynyddoedd Cynnar, sy’n cynnwys y Gwasanaeth Gwybodaeth i Deuluoedd, yw’r prif bwynt cyswllt ar gyfer unrhyw weithiwr proffesiynol, rhiant, neu aelod o deulu sydd angen gwybodaeth, cyngor neu gefnogaeth. Mae Swyddogion y Porth Gwybodaeth i Deuluoedd wrth law i wrando ar eich sefyllfa, a’ch helpu i gael mynediad at y gwasanaethau a fydd yn eich cefnogi chi orau.

Gallant gynnig cefnogaeth ar ystod eang o feysydd gan gynnwys:

Gofal Plant
Gweithgareddau a darpariaeth gymunedol 0-25 oed
Ymddygiad plant
Cefnogaeth i Rieni
Gwasanaethau Cefnogi
Gwybodaeth ac atgyfeiriadau at wasanaethau eraill

Os bydd arnoch chi angen cyngor neu gefnogaeth, cysylltwch â’r Ganolfan Blynyddoedd Cynnar.

Ymweld â thudalen we’r Gwasanaeth Gwybodaeth i Deuluoedd

EarlyYearsTeam@siryfflint.gov.uk

Tîm Plant a Rhieni Blynyddoedd Cynnar

Gan weithio ochr yn ochr ag asiantaethau eraill, bydd y Tîm Plant a Rhieni Blynyddoedd Cynnar yn darparu cefnogaeth gymunedol arbenigol, estynedig ac wedi’i theilwra i helpu teuluoedd i wella eu canlyniadau a chyflawni eu nodau a’u dyheadau. Mae’n gwneud hyn drwy ymgysylltiadau cadarnhaol, darganfod mwy am eich cryfderau, archwilio eich anghenion a’ch helpu i nodi’r pethau sy’n bwysig i chi.

Mae cyngor a chymorth ar gael ar gyfer y meysydd allweddol canlynol:

Beichiogrwydd a pharatoi at fod yn rhiant
Bywyd teuluol
Datblygiad plentyn
Lleferydd, Iaith a Chyfathrebu
Deall ymddygiadau

Os oes arnoch chi angen cymorth gydag unrhyw un o’r meysydd hyn, cysylltwch â’r Tîm Blynyddoedd Cynnar ar EarlyYearsTeam@siryfflint.gov.uk.

Tîm Gofal Plant

Mae’r Tîm Gofal Plant yn gweithio i sicrhau fod llefydd gofal plant blynyddoedd cynnar a chyfleoedd chwarae o ansawdd uchel ar gael i blant a’u teuluoedd yn Sir y Fflint.

Mae’n gyfrifoldeb statudol ar y tîm i asesu digonolrwydd gofal plant a gweithio gyda darparwyr a gwasanaethau lleol i helpu i fodloni’r galw, lleihau bylchau a gwella ansawdd yn barhaus.

Mae’r tîm yn gweinyddu gofal plant wedi’i ariannu gan Lywodraeth Cymru gan gynnwys gofal plant i rai 2 oed, y Cynnig Gofal Plant i rai rhwng 3 a 4 oed a’r Cyfle Cynnar.

Gallant ddarparu cyngor a chymorth i blant sydd ag anghenion sy’n dod i’r amlwg, gan weithio mewn partneriaeth gyda chydweithwyr addysg, iechyd a’r trydydd sector.

Ymwelwch â’n tudalennau gofal plant am ragor o wybodaeth neu cysylltwch â’r Ganolfan Blynyddoedd Cynnar.

Am ragor o wybodaeth, cysylltwch â CCODigitalSystem@siryfflint.gov.uk neu 01352 703930.

Rydym yn ymrwymo i fynd i’r afael ag amrywiaeth a chynhwysiant mewn modd ystyrlon, adeiladol a holistaidd.

Llais Rhieni

Rydym wedi gwrando ar adborth rhieni ynghylch beth fyddai’n ddefnyddiol, a thrwy weithio gyda rhieni a gwasanaethau, rydym wedi creu adran ar wefan Cyngor Sir y Fflint.

Dywedodd rhieni wrthym fod arnynt eisiau:

I blant fod wrth wraidd y gwasanaeth
Iaith syml a hawdd ei deall
Gwybodaeth am iechyd a diogelwch sy’n hawdd ei deall
Gwybodaeth syml, ar gael a hygyrch i helpu rhieni i helpu eu plentyn
Cael eu cynnwys
Cymorth i ganfod datrysiadau
Cymorth i ddeall beth sydd ar gael
Cymorth i nodi anghenion a beth y gellir ei wneud
Straeon - i wybod nad ydynt ar eu pen eu hunain ac y dylai unrhyw gysylltiad fod yn syml a gwneud gwahaniaeth
Gwasanaethau sy’n bwysig ac yn hyblyg, cyson, agored, parod i wrando, perthynol, deallgar, cyfrifol, di-dor, gofalgar, awyddus i wneud gwahaniaeth, gweld y gorau ym mhobl a chanfod ffordd ymlaen mewn modd anfeirniadol, gonest a ffyddlon.

Gobeithiwn y bydd y wybodaeth hon yn ddefnyddiol i chi a byddwn yn croesawu eich adborth - a oes unrhyw beth a oedd yn arbennig o ddefnyddiol? a oes unrhyw beth ar goll neu angen newid? os felly, rhowch wybod i ni er mwyn i ni fedru parhau i ddatblygu’r wybodaeth i helpu bob rhiant.

Gallwch gysylltu â ni ar EarlyYearsTeam@siryfflint.gov.uk.

I ddysgu mwy am yr hyn sy’n siapio ein gwaith, ymwelwch â: