Allyriadau nwyon tŷ gwydr sir y Fflint 

Mae sir y Fflint wedi gweld gostyngiad cyffredinol mewn allyriadau nwyon tŷ gwydr ers 2005 fel y dangosir yn Ffigur 6. Mae’r allyriadau yn ystod y cyfnod hwn wedi cael cyfnodau o gynnydd yn benodol tua 2011/12 a 2017/18.

Dangos/cuddio bwrdd data: Allyriadau Nwyon Tŷ Gwydr Sir y Fflint yn ôl sector

Mae Ffigur 7 yn rhoi dadansoddiad pellach o’r ffynonellau allyriadau nwyon tŷ gwydr sy’n cyfrannu at holl allyriadau nwyon tŷ gwydr y Sir o 2014-2018*.  Y cyfranwyr mwyaf i’r ôl troed hwn yw gosodiadau diwydiannol mawr a thrafnidiaeth ffyrdd. Mae ardaloedd diwydiannol sylweddol yn y sir gan gynnwys Glannau Dyfrdwy, ac mae’r ffordd arfordirol a ddefnyddir yn helaeth hefyd yn rhedeg ar hyd y sir.

Mae Cyngor Sir y Fflint yn gyfrifol am tua 3% o allyriadau nwyon tŷ gwydr y Sir.

Mae nifer o gamau y gall y Cyngor eu cymryd i leihau allyriadau nwyon tŷ gwydr o’r sir ehangach. Drwy ei rôl arweiniol, gall y Cyngor lywio a dylanwadu yn ogystal ag ysbrydoli gweithredu a chyfrifoldeb unigol a chyfunol. Mae llawer o gamau gweithredu megis cyflwyno seilwaith gwefru cerbydau trydan yn gofyn am ddull gweithredu cydgysylltiedig, cyffredin na ellir ond ei gyflwyno drwy gydweithio ar draws ffiniau.

Fodd bynnag, bydd cydweithio a gweithio mewn partneriaeth yn hanfodol gan fod llawer o ffynonellau allyriadau nwyon tŷ gwydr y tu allan i reolaeth y Cyngor ac felly bydd angen mewnbwn traws-sector arnynt.
 

Dyma’r camau gweithredu o fewn y themâu allweddol nad ydynt yn cyfrannu at ein hôl troed carbon uniongyrchol ond y gallwn eu cyflawni er mwyn ymgysylltu, dylanwadu a grymuso eraill.

• Datgarboneiddio’r system ynni leol drwy arwain ar ein camau o fewn Cynllun Ynni Ardal Leol Sir y Fflint.
• Gweithredu Strategaeth Ddatgarboneiddio Tai ar gyfer datgarboneiddio cartrefi’r Cyngor yn unol â chanllawiau Llywodraeth Cymru er mwyn sicrhau effeithlonrwydd thermol, lleihau costau gwresogi, ac addasu i’r dyfodol.
•  Cefnogi Cynghorau Tref a Chymuned i leihau allyriadau gweithrediadau ac ymgysylltu â defnyddwyr adeiladau i annog newid ymddygiad cadarnhaol
• Parhau i ddarparu rhaglenni gydag aelwydydd preifat a busnesau lleol i leihau tlodi tanwydd a darparu mynediad at gynlluniau effeithlonrwydd ynni ac ynni adnewyddadwy ehangach. 

• Hyrwyddo’r defnydd o gludiant cyhoeddus, teithio llesol, a datblygu rhwydwaith cerdded a beicio’r Cyngor ymhellach
• Hyrwyddo teithiau trafnidiaeth aml-foddol a datblygu canolfannau trafnidiaeth strategol. Gwella mynediad i gyfleusterau storio, gwefru a llogi.
• Ystyried cyfleoedd gyda phartneriaid i alluogi fflyd mwy gwyrdd yn y sector cludiant cyhoeddus (bysiau, rheilffordd, tacsis), gan gynnwys gwasanaethau dan gontract gyda’r Cyngor megis cludiant ysgol
• Sicrhau bod pwyntiau gwefru cerbydau ar gael mewn ardaloedd allweddol ar draws y sir – gwledig a threfol.

Bydd y Cyngor yn lleihau allyriadau o drafnidiaeth drwy hyrwyddo cludiant cynaliadwy, lleihau teithio mewn ceir a thagfeydd traffig, ac annog newid ymddygiad.

• Gweithio gyda ffermwyr Tenant i rannu arfer gorau ar ffermio cynaliadwy a chynyddu amsugno carbon
• Archwilio polisïau arferion gorau ac annog y ddarpariaeth o ofod ar gyfer tyfu bwyd yn y gymuned mewn datblygiadau newydd a safleoedd gwag neu safleoedd na chânt eu defnyddio lawer.
• Gweithio gyda chymunedau i gynyddu gwerth bioamrywiaeth a storio carbon 
• Canfod cyfleoedd i gaffael tir Cyngor newydd ar gyfer y diben o amsugno carbon a gwella bioamrywiaeth.

• Cefnogi Cynllun Pensiwn Clwyd i leihau allyriadau drwy ymwahanu pensiynau a phortffolios buddsoddi eraill i ffwrdd o danwydd ffosil i gefnogi ynni gwyrdd.
• Cyflwyno deunydd cyfathrebu, digwyddiadau a gweithgareddau cymunedol i godi ymwybyddiaeth o newid hinsawdd, hyrwyddo cynnydd y Cyngor ac annog gweithredu ehangach mewn perthynas â’r hinsawdd.