A gafodd eich plentyn ei eni rhwng 1 Medi 2022 a 31 Awst 2023?
A fyddan nhw’n 4 oed erbyn 31 Awst, 2027?
Os felly, bydd cyfle i’ch plentyn ddechrau mewn dosbarth derbyn ym mis Medi 2027.
Nawr, gallwch wneud cais am le mewn ysgol gynradd drwy ddefnyddio’r ffurflen gais ar y dudalen hon.
Os oes gennych chi gwestiwn, fe gewch chi ddod o hyd i Gwestiynau Cyffredin yma.
Sut i wneud cais
Nodwch - Os ydych chi’n breswylydd yn Sir Ddinbych neu Wrecsam, ac eisiau gwneud cais am ysgol yn Sir y Fflint, rhaid i chi wneud cais drwy eich Awdurdod Lleol cartref, a bydd ceisiadau’n cael eu rhannu gyda ni.
Byddwch yn ymwybodol o'r amserlen gyhoeddedig ar gyfer pob Awdurdod Lleol.
- Rhaid i chi wneud cais ar y 'Porth Rhieni Derbyniadau Synergy' ar-lein.
- Mae’r cyfnod ar gyfer cyflwyno ceisiadau ar amser rhwng 21 Medi 2026 a 21 Chwefror 2027.
- Gellid cyflwyno ceisiadau hwyr rhwng 16 Ionawr 2027 a 23 Chwefror 2027 - ond bydd y rhain yn cael eu prosesu ar ôl pob cais a gafodd eu cyflwyno’n ar amser. Os byddwn yn derbyn mwy o geisiadau nag sydd o leoedd ar gael mewn ysgol, bydd ceisiadau'n cael eu graddio gan ddefnyddio'r meini prawf gordanysgrifio cyhoeddedig.
- Byddwn yn rhoi lleoedd i geisiadau ar amser yn gyntaf, ac yna i geisiadau hwyr os oes lleoedd ar gael ar ôl.
- Mae hyn yn golygu y gall cais ar amser ar gyfer myfyriwr sy'n byw pellter sylweddol o ysgol benodol fod yn llwyddiannus, tra efallai na fydd cais hwyr ar gyfer myfyriwr sy'n byw yn agos iawn at yr ysgol. Mae'n bwysig iawn eich bod yn cyflwyno'ch cais ar amser er mwyn osgoi siom.
- Gallwch gyflwyno cais am le mewn ysgol uwchradd ar ôl 23 Chwefror 2027, ond bydd y rhain yn cael eu prosesu ar ôl Diwrnod Cynnig 16 Ebrill 2027 (yn unol â’n hamserlen)
- Gwnewch yn siŵr eich bod yn derbyn e-bost i gadarnhau bod eich cais wedi’i gyflwyno.
Gwneud Cais am Le yn yr Ddosbarth Derbyn external link
Os ydych chi wedi gwneud cais am le mewn ysgol drwy Borth Rhieni Derbyn Synergy, gallwch fewngofnodi i'ch cyfrif i weld eich cais (Mewngofnodwch a chliciwch ar 'Rheoli Cyfrifon').
Newid cais ar ôl ei gyflwyno
Ar ôl cyflwyno cais am le mewn ysgol, os hoffech chi newid unrhyw beth, bydd cyfnod byr lle bydd modd i chi dad gyflwyno eich cais drwy eich cyfrif ar 'Porth Rhieni Derbyniadau Synergy' a chyflwyno un newydd. Os nad ydych yn gweld opsiwn i dad gyflwyno cais, bydd rhaid i chi e-bostio admissions@flintshire.gov.uk i ofyn am hyn.
Bydd ceisiadau a dderbynnir rhwng 21 Medi 2026 a 15 Ionawr 2027 yn cael eu hystyried fel ceisiadau ar amser. Gallwch wneud unrhyw newidiadau o fewn y cyfnod hwn ac ni fydd hyn u cael effaith ar statws ar amser eich cais.
Fodd bynnag, os ydych yn gwneud unrhyw newidiadau i gais a gyflwynwyd yn brydlon ar ôl y dyddiad cau 15 Ionawr 2027, byddwn yn ystyried hwn fel cais newydd a fydd yn cymryd lle unrhyw beth a gafwyd yn flaenorol a bydd yn cael ei gofnodi fel cais hwyr.