Rheoli risg yw’r broses o nodi risgiau, gwerthuso’r effaith bosibl, a’u lliniaru nhw. Y nod yw lleihau difrifoldeb eu heffaith a pha mor debygol ydyn nhw o ddigwydd pan fo modd. Mae rheoli risg yn amhrisiadwy i'r Cyngor a dylai fod yn rhan o'r gwaith o reoli gwasanaethau o ddydd i ddydd.

Mae rheoli risg yn effeithiol yn hanfodol er mwyn i sefydliad a'i bartneriaid gyflawni amcanion strategol a gwella canlyniadau i bobl leol. Mae'r Cyngor yn hyrwyddo egwyddorion rheoli risg yn effeithiol ar draws y sefydliad a chyda'i sefydliadau partner. Mae wedi ymrwymo i reoli risgiau allanol a mewnol allweddol yn rhagweithiol. Mae rheoli risg yn effeithiol wrth weithio mewn partneriaeth yn galluogi i'r Cyngor ddangos diwylliant cadarnhaol o ran risg a chanlyniadau gwell, gan wella ei allu i gyflawni prosiectau arloesol a heriol.

Mae Fframwaith Rheoli Risg y Cyngor yn ceisio defnyddio arferion gorau wrth nodi, asesu a rheoli risgiau allweddol, drwy:

• Fabwysiadu dull corfforaethol effeithiol a thryloyw o Reoli Risg yn rhagweithiol gan y Cyngor a gwaith partneriaid allanol allweddol;
• Integreiddio rheoli risg i arferion a gweithdrefnau gweithredol a rheoli'r Cyngor i hyrwyddo diwylliant o ymwybyddiaeth risg; a
• Darparu gwybodaeth i gefnogi Datganiad Llywodraethu Blynyddol y Cyngor, yn ymwneud ag effeithiolrwydd y trefniadau ar gyfer rheoli risg a’r mecanweithiau rheoli mewnol sydd ar waith.

Cofrestr Risgiau Gorfforaethol

Defnyddir y Gofrestr Risgiau Gorfforaethol i gofnodi risgiau sylweddol a allai effeithio ar amcanion strategol a dulliau gweithredu sefydliad.

Cofrestr Risg Gorfforaethol - Ionawr 2025

Cofrestr Risg Gorfforaethol - Ebrill 2025