Gwasanaethau'r Cyngor a'r tywydd
Am y newyddion diweddaraf, dilynwch ni ar ein cyfryngau cymdeithasol:
Rhybuddion Tywydd
Met Office
Oherwydd adnoddau presennol, ni allwn ddychwelyd i gasglu deunydd ailgylchu na gwastraff bwyd a fethwyd. Ymddiheurwn am unrhyw anghyfleustra. A fyddech cystal â’u rhoi ar ymyl y palmant ar eich diwrnod casglu arferol nesaf.
11 Ionawr
Newyddion da! Mae’r rhagolygon tywydd diweddaraf yn galluogi i ni ddechrau canolbwyntio ar raeanu llwybrau Blaenoriaeth 2.
Bore ‘ma, fe fyddwn ni’n gweithio yng nghanol trefi, mewn meysydd parcio, ac yn cefnogi gwasanaethau casglu gwastraff ar ystadau tai ac ar hyd lonydd gwledig.
Prynhawn ‘ma, fe fyddwn ni’n dychwelyd i raeanu llwybrau Blaenoriaeth 1 cyn i’r tymheredd ostwng eto dros nos.
Mae pob criw casglu gwastraff ac ailgylchu allan ar eu rowndiau arferol heddiw yn yr ardaloedd canlynol:
- Bagillt, Maes Glas, Treffynnon, Talacre, Mostyn, Penyffordd, Caerwys, Hendre, Gronant, Gwespyr, Trelogan.
Rydym ni hefyd yn gobeithio casglu o:
- Garmel, Pistyll, Maes Glas, ardal Strand o Dreffynnon.
Byddwn yn parhau i adolygu’r sefyllfa a chynnal asesiadau pellach drwy gydol dydd Sadwrn. Byddwn wedyn yn ceisio gwneud unrhyw gasgliadau na lwyddwyd i’w gwneud.
Os oes gennych finiau du sydd heb eu caglu’r wythnos hon, y cyngor i breswylwyr yw eu gadael ar ymyl y palmant ac fe wnawn ni ddychwelyd i’w casglu nhw cyn gynted â phosib.
Casgliadau a fethwyd
Mae’r ffurflen biniau a fethwyd ar ein gwefan bellach wedi ailagor ar gyfer unrhyw gasgliadau ychwanegol sydd wedi cael eu methu.
Ar hyn o bryd, mae oedi wrth gasglu biniau nad ydynt wedi eu gwagio oherwydd y tywydd gwael a’r galw ar adnoddau.
Byddwn yn ceisio casglu pob bin nad ydynt wedi’u gwagio cyn gynted ag sy’n bosibl.
Neu gall preswylwyr ddefnyddio ein Canolfannau Ailgylchu Gwastraff y Cartref.
Cau Ysgolion
Bydd Penaethiaid yn asesu’r amodau yn lleoliad pob ysgol ac yn rhoi’r wybodaeth ddiweddaraf ar ein gwefan am unrhyw ysgolion sydd ar gau. Gallwch wirio pa ysgolion sydd ar gau yma.
Cau Ysgolion
Biniau graean
Mae gennym ni tua 500 o finiau/tomenni ar draws y sir. Rydym wedi eu rhoi mewn lleoedd lle rydym yn gwybod y gallai fod yna broblemau, fel bryniau serth, troadau llym a chyffyrdd anodd.
Nid pwrpas y biniau yw darparu graean ar gyfer troedffyrdd a thramwyfeydd preifat. Defnyddiwch nhw ar gyfer troedffyrdd yn unig a lle mae yna broblem ar y ffordd. Gellir prynu graean yn y rhan fwyaf o siopau DIY/nwyddau metel neu fasnachwyr adeiladu.
Biniau graean
Clirio Troedffyrdd
Dim ond wedi i’r ffyrdd a gaiff eu blaenoriaethu gael eu clirio y bydd ardaloedd palmantog yn cael eu trin mewn amodau difrifol o rew ac eira. Y rheswm am hyn yw i sicrhau fod adnoddau’n cael eu defnyddio mor effeithiol â phosibl.
Mae adnoddau yn cael eu defnyddio i drin troedffyrdd unwaith y bydd eira wedi setlo neu yn ystod cyfnodau hir o rew ar sail blaenoriaeth mewn lleoliadau gan gynnwys:
- Llwybrau troed yng nghanol trefi ac ardaloedd siopa
- Llwybrau troed ger adeiladau dinesig
- Priffyrdd cyhoeddus ger ysbytai
- Priffyrdd cyhoeddus ger cartrefi preswyl/fflatiau henoed
- Priffyrdd cyhoeddus ger canolfannau gofal dydd
- Priffyrdd cyhoeddus ger ysgolion (yn ystod y tymor ysgol yn unig)
- Pontydd troed
- Safleoedd bws
Clirio Llwybrau Troed
Clirio Ffyrdd
Yn ystod cyfnodau o dywydd garw, rydym yn graeanu ac yn clirio eira o 414 milltir o ffyrdd a gaiff eu blaenoriaethu ar hyd a lled Sir y Fflint. Maent yn cael eu dewis er mwyn cynnal cysylltiadau cludiant ar gyfer cynifer o gymunedau â phosibl. Maent yn cyfrif am tua 50% o briffyrdd y Sir ac yn cynnwys o leiaf un ffordd fynediad i bob cymuned.
Clirio Ffyrdd
Gov.uk Prepare
Nod y wefan hon yw paratoi’r cyhoedd am argyfyngau drwy ddarparu cyngor syml ac effeithiol.
Ewch i Gov.uk - Prepare
Y Cyfryngau Cymdeithasol
Facebook
X (Twitter)