Gweithio’n agos gyda’r Prif Weithredwr, fel rhan o dîm prif swyddog sy’n rhannu lleoliad, a gwneud cyfraniad gweithredol a chadarnhaol i ddatblygiad parhaus y Cynllun y Cyngor. 

Creu gweledigaeth a ffocws cryf ar gyfer y Portffolio, gan alluogi gweithrediad strategaeth gadarn hirdymor sy’n canolbwyntio ar Le, Twf a’n blaenoriaethau lleol a rhanbarthol yn y tymor canolig ac yn hirdymor. 

Datblygu agenda'r Cyngor gyda'r Cabinet drwy arweinyddiaeth dorfol gryf, blaengynllunio, rheoli a chyflawni yn erbyn adnoddau sydd ar gael, ariannol a phobl. 

Chwarae rôl gryf, gadarnhaol a chyfartal yn y tîm uwch ar y cyd:

• Gweithio fel Tîm: Bod yn rhan o uwch dîm effeithiol sy’n gweithio’n agos gyda’i gilydd, sy’n fodel rôl i weledigaeth a gwerthoedd y Cyngor, ac yn cefnogi eraill drwy ymgysylltu a galluogi iddynt berfformio. 
• Cefnogi’r Prif Weithredwr gyda rheolaeth gorfforaethol ehangach y Cyngor, gan gyfrannu at ddatblygiad a gweithrediad polisïau a strategaethau.
• Cynllunio Strategol: Gweithio ar y cyd ar gynllunio strategol, er mwyn cyflawni canlyniadau strategol a arweinir gan flaenoriaethau. Gwneud rhagolygon yn y tymor hirach a chynllunio o amgylch galw, cyflenwad ac anghenion y gymuned.
• Strategaeth Ariannol: Darparu adnoddau strategol ac arloesol yn effeithiol, yn ogystal â chynllunio ariannol.
• Perfformiad: Goruchwylio cynllunio a pherfformiad gwasanaeth ar y cyd, yn ogystal â rheoli risg a datrysiadau.
• Datblygu Sefydliadol: Cyfrannu at drawsnewidiad y Cyngor drwy hyrwyddo dyluniad sefydliadol arloesol ac uchelgeisiol, gwelliannau i’r system, rheoli talent a modelau gwasanaeth newydd. 
• Llywodraethu Corfforaethol: Darparu llywodraethu corfforaethol effeithiol a chymesur, gan sicrhau bod pobl a gwasanaethau yn atebol a bod Aelodau’n cael eu cynghori’n briodol.
• Arwain ar fentrau, materion a blaenoriaethau trawsnewidiol allweddol ar draws y Cyngor.
• Hyrwyddo diwylliant sefydliadol sy’n canolbwyntio ar ofal cwsmer, effeithlonrwydd gweithredol ac arferion gorau, ac sy’n hyrwyddo dysgu, cyfleoedd cyfartal, a’r Cyngor fel cyflogwr delfrydol.
• Darparu neu gomisiynu gwasanaethau integredig, ymatebol, o ansawdd uchel ac sy’n gost effeithlon, sy’n diwallu cyfrifoldebau statudol y Cyngor o fewn yr adnoddau sydd ar gael.
• Datblygu a chynnal y partneriaethau cryf sydd eu hangen i alluogi’r Cyngor i gael dylanwad ar lwyfan ranbarthol a chenedlaethol er enghraifft Cyd-bwyllgor Corfforedig, Parth Buddsoddi, Cynghrair Mersi a’r Ddyfrdwy.

Mesuryddion Perfformiad: Adborth cymunedol, Cyflawni blaenoriaethau’r Cyngor, Cyflawni cynlluniau busnes a thrawsnewid y cytunwyd arnynt. Gweithredu polisïau a chynlluniau’r Cyngor o fewn y gyllideb, Dangosyddion Perfformiad Allweddol Statudol a Chenedlaethol. 

Arwain, datblygu a gweithredu strategaeth glir ar gyfer gwasanaethau portffolio drwy strategaethau a chynlluniau gweithredol i gyflawni perfformiad lefel uchel a rhagoriaeth. 

Sicrhau bod yr ystod ganlynol o wasanaethau yn cael eu darparu mewn modd cydlynol a chydweithredol, ac yn unol â’r polisïau, safonau a’r ddeddfwriaeth y cytunwyd arnynt:

• Adfywio, datblygu economaidd a thwf
• Datblygu Busnes (Menter)
• Cynllunio Mwynau a Gwastraff (Gwasanaeth Rhanbarthol)
• Strategaeth yr Amgylchedd a Chynllunio
• Cefn Gwlad a’r Amgylchedd
• Rheoli Datblygu
• Datblygu Gwasanaeth a Chefnogaeth
• Gwarchod a Rheoli’r Amgylchedd
• Gwarchod y Gymuned a Busnes
• Gwarchod Iechyd
• Parc Treftadaeth Dyffryn Maes Glas
• Man Agored Cyhoeddus
• Risg a Rheoli Llifogydd
• Newid Hinsawdd a Lleihau Carbon
• Cefnogaeth Rheoli a Pherfformiad (GIS, Gwasanaethau Gwybodaeth Electronig a Chefnogaeth Cyfarwyddiaeth) 

Arwain ar strategaeth gynhwysfawr a chydlynol o dwf economaidd ac adfywio, gan gymell agenda adfywio economaidd arloesol ac uchelgeisiol sy’n creu cyfoeth a sefydlogrwydd economaidd, yn cynyddu cyfleoedd cyflogaeth a datblygu lleoliad gweithgynhyrchu uwch cryf ac sy’n darparu buddion amgylcheddol a chymdeithasol i gymunedau a busnesau.  

Cymell diddordeb a hyder busnesau i ysgogi a denu diddordeb y farchnad drwy hyrwyddo a chyflwyno Parth Buddsoddi Wrecsam a Sir y Fflint gyda mentrau traws ffiniol a rhanbarthol ehangach drwy’r Cyd-bwyllgor Corfforedig neu Cynghrair Mersi a’r Ddyfrdwy.

Gweithio’n agos gyda busnesau lleol, partneriaid a mentrau i arwain ymagwedd gydlynol ar gyfer buddsoddi economaidd, drwy gefnogaeth uniongyrchol i fusnesau (buddsoddi, contractio, canolfannau busnes) a mentrau ledled y Sir a byrddau a chyrff rhanbarthol. 

Arwain ar ymateb ac ymrwymiad y Cyngor i fod yn Gyngor carbon niwtral erbyn 2030. 

Datblygu a darparu ystod eang o swyddogaethau cynllunio arloesol ac ymatebol, gan gynnwys datblygu strategaethau ar gyfer defnydd hir dymor o dir, datblygu a gwarchod amgylcheddol a chefn gwlad effeithiol. 

Goruchwylio perchnogaeth ranbarthol a darpariaeth cynllunio mwynau a gwastraff, er mwyn darparu lefelau gwasanaeth a gytunir ac i gefnogi’r economi ranbarthol ehangach.  Datblygu datrysiadau cynllunio rhanbarthol ehangach ar ystod eang o fentrau sy’n gysylltiedig â mentrau ynni gwyrdd, hydrogen a dal a storio carbon.

Arwain ar ddarpariaeth gwasanaethau rheoli datblygu a rheoli adeiladu, gan sicrhau bod pob prif ganiatâd cynllunio’n cael eu rheoli’n broffesiynol i gefnogi datblygu economaidd ehangach.

Arwain ar ddatblygiad gallu y Cyngor i warchod cymunedau a busnesau; gan sicrhau bod goblygiadau statudol, cyfreithiol ac arferion gorau o safbwynt gwarchod iechyd, y cyhoedd a’r gymuned yn cael eu diwallu gan gynnal ffocws clir ar welliant parhaus ar draws cydymffurfiaeth reoleiddiol a gwella iechyd.

Arwain, rheoli a chreu gofodau cyhoeddus bywiog sy’n ceisio hyrwyddo cynhwysiant a gwella ansawdd bywyd yr holl breswylwyr.

Datblygu, arwain ac archwilio effeithlonrwydd gwasanaethau, ystyried modelau darparu amgen a chyflwyno gwelliannau gwasanaeth fesul cam. 

Gweithio gyda budd-ddeiliaid amrywiol, gan gynnwys preswylwyr, busnesau, grwpiau cymunedol, sefydliadau’r trydydd sector i sicrhau bod strategaethau a chynlluniau’n alinio ag anghenion cymunedol a bod blaenoriaethau’n diwallu pryderon diogelwch a cheisio gwella ardaloedd o amddifadedd cymdeithasol.

Sicrhau rheolaeth ariannol ac asesu risg effeithiol ar draws y gwasanaethau, gan sicrhau bod blaenoriaethau a gytunwyd yn cael eu diwallu; sicrhau y darperir gwasanaethau’n effeithiol ac effeithlon gyda’r lefelau perfformiad gorau posib. 

Arwain ar agweddau o ddatblygiad a chymorth gwasanaeth, ynghyd â thimau cymorth technegol (e.e. GIS) er mwyn cefnogi gwelliant parhaus o ran effeithlonrwydd y gwasanaeth ac effeithiolrwydd proffesiynol.

Mesuryddion Perfformiad: Dangosyddion perfformiad allweddol o Gynllun y Cyngor; Dangosyddion Perfformiad Allweddol o Gynlluniau Gwasanaeth; Adborth gan fudd-ddeiliaid; canlyniadau arolygon ac archwiliadau; Dangosyddion Cenedlaethol perthnasol; Perfformiad yn erbyn safonau amgylcheddol lleol a rhanbarthol a strategaethau a gytunwyd; meincnodau technegol a phroffesiynol perthnasol.

Arwain, galluogi a datblygu rheolwyr a staff i sicrhau bod gweithlu cymwys, talentog a brwdfrydig yn bodloni amcanion y Cyngor.

Arwain drwy esiampl, gweithredu fel model rôl lleol mewn perthynas â gwerthoedd ac ymddygiadau arweinyddiaeth y Cyngor i lywio newid ymddygiadol a diwylliannol yn eraill.

Mesuryddion Perfformiad: Adborth gan reolwyr a staff, cynnydd yn erbyn arweinyddiaeth a datblygiad tîm (ymddygiadau, dulliau, adborth 360); amcanion a mesuryddion y Cynllun Pobl.

Sefydlu a chynnal perthnasau gwaith cadarn gydag aelodau etholedig wrth lywodraethu’r Cyngor, gan ddarparu lefel uchel o gyngor a chymorth i gynnal a gwella perfformiad y Cyngor.  

Creu perthnasau gwleidyddol a phroffesiynol effeithiol wrth lywodraethu’r Cyngor, gan ganolbwyntio ar flaenoriaethau strategol, gydag eglurder ar atebolrwydd a gwneud penderfyniadau’n effeithiol.

Mesuryddion Perfformiad: Adborth Aelodau; Effeithiolrwydd perthnasau werth symud amcanion y Cyngor yn eu blaen.

• Addysg i lefel gradd gyda thystiolaeth o ddatblygiad proffesiynol a phersonol.
• Cymhwyster ôl-radd mewn maes perthnasol yn ddymunol (e.e. cymhwyster ôl-radd/ cymhwyster peirianneg proffesiynol/siarter).

• Profiad o fod yn uwch reolwr mewn awdurdod lleol, gan weithio ar draws ystod amrywiol o wasanaethau technegol a gweithredol. 
• Profiad o weithio’n gorfforaethol ar flaenoriaethau ar gyfer y sefydliad cyfan .
• Profiad strategol a gweithredol sylweddol wrth reoli a darparu gwasanaethau a pherfformiad.
• Profiad o reoli adnoddau sylweddol i gyflawni canlyniadau. 
• Profiad o reoli trawsnewid darpariaeth gwasanaeth ar draws pobl, cyllid, systemau, prosesau, perthnasau ac adnoddau.
• Profiad o arwain staff a gwasanaethau mewn cyfnod o newid drwy fod yn hyblyg, creadigol, ymatebol a pherfformio’n dda.
• Profiad o ddatblygu modelau darpariaeth gwasanaethau gwahanol, gweithio i ddull comisiynu.
• Gwybodaeth gynhwysfawr o ddyluniad sefydliadol, newid a thrawsnewid i wella effeithlonrwydd ac effeithiolrwydd.
• Dealltwriaeth fanwl o waith  y sector cyhoeddus a blaenoriaethau a pholisïau’r llywodraeth.
• Dealltwriaeth sylweddol o'r cyd-destun economaidd a gwleidyddol ehangach.
• Dealltwriaeth sylweddol o’r ddeddfwriaeth bresennol, gofynion rheoliadol, ac ymarfer ehangach mewn perthynas â phob maes o arbenigedd.

• Gallu gweithio'n effeithio fel rhan o uwch dîm agos a chyfunol - cydbwyso gwasanaethau a blaenoriaethau corfforaethol.
• Y gallu i adnabod cryfderau cyfunol, profiad ac atebolrwydd y tîm i ganolbwyntio ar ddatrys problemau ac atebolrwydd ar y cyd.
• Gallu trosglwyddo strategaethau sefydliadol/corfforaethol i gynlluniau gweithredol effeithiol.
• Gallu a pharodrwydd i ddatblygu a chyflawni cydweithio gyda phartneriaid a darparwyr eraill wrth gefnogi Sir y Fflint a blaenoriaethau rhanbarthol.
• Llwyddo i ddatblygu perthnasau gwaith yn fewnol ac yn allanol, er mwyn darparu ystod eang o ganlyniadau'n llwyddiannus yn erbyn blaenoriaethau’r Cyngor (gallu dylanwadu ar eraill).
• Gallu arwain prosiectau cymhleth, ar draws y Cyngor, i gefnogi gwelliant corfforaethol neu newid i wasanaethau.
• Craffter a sensitifrwydd gwleidyddol, gyda’r gallu i ddylanwadu ar eraill.
• Craffter busnes ac ymwybyddiaeth fasnachol, gyda dealltwriaeth ariannol gadarn.
• Gallu sylweddol i ddadansoddi a datrys gwybodaeth gymhleth, sefyllfaoedd a materion, a chreu datrysiadau cyfunol ac unigol effeithiol, gan weithio'n bendant.
• Gallu i siarad a darllen Cymraeg i lefel 1 o leiaf (neu cytundeb i gyflawni hyn o fewn 12 mis).

Mae’r ymddygiadau canlynol wedi cael eu nodi i fod yn hanfodol i lwyddiant Prif Swyddog. 

• Canolbwyntio ar y Gymuned: Cynnal ffocws ar ganlyniadau sy’n cael eu cyflawni ar gyfer cymunedau lleol. Mae hyn yn seiliedig ar synnwyr cryf o bwrpas moesol, ond yn mynd tu hwnt i ‘eisiau gwneud y peth iawn’ dros gymunedau i ymgysylltu go iawn gyda nhw. Bydd Prif Swyddogion yn gweithredu fel modelau rôl, ac yn grymuso'r cwsmer/y gymuned, a bydd yn mewnosod diwylliant sy’n canolbwyntio ar y cwsmer yn systematig i’w portffolio.
• Meddwl yn strategol ac yn creu eglurder: Y gallu i feddwl yn systematig a sylwi ar gysylltiadau. Mae hyn o gymorth i allu'r Prif Swyddog i symleiddio cymhlethdod, creu eglurder a ffocws, a meddwl yn greadigol. Bydd Prif Swyddogion yn creu ffyrdd newydd o weithio ar gyfer y dyfodol, gan lunio mewnwelediadau o fannau eraill, a chreu dulliau newydd o weithio.
• Gyrru gwelliant parhaus: Bod â dyfalbarhad ac awydd i nodi a chyflawni gwelliannau yn barhaus, heb dynnu sylw oddi ar flaenoriaethau eraill a’u darpariaeth barhaus. Mae hyn yn cynnwys dealltwriaeth o ysgogwyr ansawdd a gwerth, a’r hyder i herio beth ddigwyddodd yn y gorffennol a chymryd gofalus. Bydd Prif Swyddogion yn herio’r arferion a lefelau perfformiad cyfredol, ac yn parhau i ganolbwyntio ar y tymor hirach.
• Gweithio ar y cyd: Bod yn agored i safbwyntiau eraill, gweithio mewn partneriaeth yn effeithiol neu alluogi eraill i wneud hynny i ddarparu’r canlyniadau gorau i gwsmeriaid a chymunedau. Mae’n adnabod bod angen gwneud penderfyniadau i ddarparu’r gwasanaethau gorau, yn hytrach na chanolbwyntio ar ‘beth fyddai’r manteision i’m gwasanaeth i?’. Bydd Prif Swyddogion yn adeiladu aliniad rhwng partneriaid ac yn creu ymrwymiad cyfunol i ddatrysiadau o werth uchel.
• Arwain ac ymgysylltu: Rhoi cyfeiriad, cefnogaeth ac eglurder i eraill er mwyn eu galluogi i gyflawni’n effeithiol. Mae’n cynnwys creu’r hinsawdd cywir i bobl gyflawni eu gwaith gorau, gan sicrhau diwylliant o barch at y naill a'r llall, cefnogaeth, gonestrwydd, addysg a herio'n adeiladol. Bydd Prif Swyddogion yn adeiladu synnwyr o bwrpas wedi’i rannu, sy’n rymus.
• Yn hyderus ac yn ddewr: Bod a ffordd optimistaidd o feddwl a hyder i gyflawni, herio a dyfalbarhau, hyd yn oed pan mae cyfnodau anodd neu wrth wynebu gwrthwynebiad. Bydd Prif Swyddogion yn mynd i’r afael â heriau’n rhagweithiol, ac yn estyn allan i archwilio meysydd nas archwiliwyd o’r blaen.

Ar ben hynny, mae’r Cyngor wedi nodi yn ogystal â’r ymddygiadau hyn, mae disgwyliad y bydd Prif Swyddogion yn gallu:

• Cefnogi arloesedd parhaus (gydag ymrwymiad i ddatblygu a galluogi eraill)
• Sganio’r amgylchedd (gwneud cynlluniau, gosod cyfeiriad ac achub y blaen ar faterion)
• Rheoli perfformiad ar gyfer canlyniadau (darparu disgwyliadau, safonau ac amcanion clir) 
• Creu cyfleoedd (mentro ac achub y blaen ar newidiadau yn y dyfodol)
• Dylanwadu (ymgysylltu gydag eraill, cyfathrebu gydag effaith) 
• Cynnig craffter gwleidyddol (deall y cyd-destun gwleidyddol yn lleol ac yn genedlaethol) 
• Dangos ymwybyddiaeth o’r hunan a gwydnwch (rheoli effaith personol)