Pam mae’r Gymraeg yn Bwysig

Mae gwasanaethau Cymraeg yn sicrhau fod anghenion pobl yn cael eu deall ac yn cael eu bodloni a bod y rhai hynny sy’n gallu cael at wasanaethau yn gallu dibynnu ar gael eu trin gyda’r urddas a’r parch maen nhw’n ei haeddu.

• Mae cynnig dewis iaith i’ch cwsmer yn arfer da ac yn dangos parch tuag at y cwsmer a pharch tuag at y Gymraeg.
• Mae hyn yn gallu helpu i feithrin perthynas wych gyda chwsmeriaid.
• Mae 17.8% o boblogaeth Cymru yn siarad Cymraeg.
• Mae 11.6% o boblogaeth Sir y Fflint yn siarad Cymraeg.

"Mae’r Gymraeg – yn rhan annatod o’n diwylliant, ein treftadaeth a’n bywydau bob dydd. Mae’n rhan o’n hetifeddiaeth gyffredin a’n hunaniaeth fel cenedl” Llywodraeth Cymru

• Dolenni Defnyddiol
• Cyngor Sir y Fflint - Dysgu Cymraeg
• Bwrdd Partneriaeth Rhanbarthol Gogledd Cymru - Mwy na Geiriau
• Gofalwn Cymru - Pwysigrwydd y Gymraeg yn y Gweithle
• Gofal Cymdeithasol Cymru - Gweithiwr Gofal yn Sôn Am Bwysigrwydd y Gymraeg

Gwneud Cais am Swyddi Lle mae’r Gymraeg yn Hanfodol

Mae gan y Gymraeg a’r Saesneg statws cyfartal mewn bywyd cyhoeddus yng Nghymru, ac mae hyn yn golygu y bydd cyfathrebu yn y Gymraeg yn hanfodol i rai swyddi.

Dydi swyddi lle mae’r Gymraeg yn hanfodol ddim bob amser yn golygu gallu siarad bob gair yn y Gymraeg - mae’n gallu golygu gallu rhoi cyfarchiad syml neu gallu cael sgwrs bob dydd yn y Gymraeg.

Mae gallu ysgrifennu yn y Gymraeg hefyd yn gallu bod yn bwysig i rai swyddi, ond peidiwch â gadael i’r syniad o ddefnyddio neu wella eich sgiliau ysgrifennu neu lafar eich atal.

Pa bynnag lefel sydd ei angen o ran y Gymraeg mae llawer o sefydliadau yn rhoi hyfforddiant o ran y Gymraeg i weithwyr a hefyd cefnogaeth a chyfle i ymarfer yn y gwaith.

• Dolenni Defnyddiol
• Cyngor Sir y Fflint - Gweithio yn y Gymraeg
• GIG Cymru - Cymorth Iaith Gymraeg
• Heddlu Gogledd Cymru - Adnoddau Cymraeg
• LLYW Cymru - Swyddi Llywodraeth Cymru: Y Gymraeg
• Prifysgol De Cymru - Eich Gyrfa a'r Iaith Gymraeg