Casglu Biniau Fethwyd

Cewch wybodaeth am ddigwyddiadau a fydd yn tarfu ar y gwasanaeth e.e. tywydd gwael/prinder tanwydd, ar eich prif dudalen ar y we, http:/www.flintshire.gov.uk/WinterConditions  

Casgliad a fethwyd - Cyn cysylltu â ni, gwnewch yn siŵr eich bod wedi:

• Rhoi’ch bin allan erbyn 7am ar eich diwrnod casglu ac wedi’i roi ar ymyl y ffordd (lle mae’ch eiddo/dreif yn cyfarfod â’r pafin/ffordd). (Rhowch y bin yno’r noson gynt os oes angen ac os yw’n ddiogel i chi wneud hynny.) Sylwer: Nid yw hyn yn berthnasol i breswylwyr sydd yn derbyn Casgliadau â Chymorth. 
  
• Rhoi’ch bin/cynhwysydd iawn allan a hynny ar y diwrnod iawn. Sylwer: Nid yw hyn yn berthnasol i breswylwyr sydd yn derbyn Casgliadau â Chymorth. 
  
• Didoli’r deunyddiau i’r cynwysyddion iawn. 
  
• Osgoi defnyddio bagiau plastig nad ydynt yn fagiau bio yn eich cadi bwyd - mae hyn yn halogi’r llwyth. Archebwch ragor o fagiau bio a defnyddiwch bapur newydd dros dro.
• Gofalu nad yw’ch bin yn rhy drwm a bod y caead yn cau’n iawn, rhag i’r criw gael eu hanafu.
• Osgoi gorlenwi’ch bin ar olwynion.
• Gofalu nad oeddech wedi gadael gwastraff wrth ymyl y bin.  Fel arfer, byddwn yn rhoi hwn yn ôl yn eich bin ar ôl i ni ei wagu, yn barod i’w gasglu’r tro nesaf. Os oes 6 neu ragor yn byw yn yr eiddo, gallwch ofyn am fin mwy.

Os nad ydych wedi gwneud unrhyw un o’r uchod, ni allwch gofnodi nad yw’ch gastraff wedi’i gasglu.  Fel arfer, bydd y criw’n gadael nodyn yn esbonio’r rheswm dros beidio â chasglu’ch gwastraff ac yn cofnodi’r broblem drwy ddefnyddio’r camera ar y cerbyd neu’r ddyfais recordio.  Bydd angen i chi roi sylw i’r broblem a rhoi’ch cynwysyddion allan ar y dyddiad nesaf.

Os ydych wedi gwneud pob dim a nodir uchod, defnyddiwch y ddolen isod - ar ôl 4pm.  Cyn hynny, mae’n bosibl y bydd cerbydau’n dychwelyd os bu problemau mecanyddol.
 

Beth fydd yn digwydd nesaf?

Bydd y tîm Gwasanaethau Stryd yn cofnodi’ch problem ac, os ydych wedi rhoi cyfeiriad e-bost byddwn yn anfon neges atoch (cyn pen 1 diwrnod gwaith fel arfer) yn cadarnhau hynny ac yn esbonio’r camau y byddwn yn eu cymryd.  Os bydd rhywbeth wedi mynd o’i le o’n rhan ni, byddwn yn gwneud eich gorau i ddychwelyd a chasglu’r gwastraff cyn pen 24 awr ar ôl cael gwybod am y broblem.